1 Kronika 1 - ŊMALƐ KRƆŊKRƆŊ LƐ

Kɛjɛ Adam yinɔ kɛbashi Abraham yinɔ

¹ Adam fɔ Set, ni Set hu fɔ Enosh, ni lɛ hu efɔ Kenan.

² Kenan fɔ Mahalalel, ni Mahalalel hu fɔ Jared.

³ Jared fɔ Enok, ni lɛ hu efɔ Metusela mɔ ni fɔ Lamek ni lɛ hu efɔ Noa lɛ.

⁴ Noa fɔ bihii etɛ̃: Shem kɛ Ham kɛ Yafet.

⁵ Yafet fɔ bihii kpawo, amɛ ji Gomer kɛ Magog kɛ Madai kɛ Yavan kɛ Tubal kɛ Meshek kɛ Tiras.

⁶ Gomer shwiei ji Ashkenaz kɛ Rifat kɛ Togarma.

⁷ Yavan hu shwiei ji Elisha kɛ Tarshishbii kɛ Kiprobii kɛ Rodanimbii.

⁸ Ham, Noa bi lɛ, bihii ji Kush kɛ Ijipt kɛ Libia kɛ Kanaan, mɛi agbɛii ni akɛtsɛɔ amɛshwiei lɛ.

⁹ Ham bi Kush lɛ eshwiei ji Seba kɛ Hawila kɛ Sabta kɛ Raama kɛ Sabteka. Kush bi Raama shwiei ji Sheba kɛ Dedan.

¹⁰ Kush fɔ binuu ko ni atsɛ lɛ akɛ Nimrod. Lɛ eje shishi efee ehe nuu kãkãlɔ yɛ shikpɔŋ lɛ nɔ.

¹¹ Ham bi Ijipt lɛ eshwiei ji Lidiabii lɛ kɛ Anambii lɛ kɛ Lehabbii lɛ kɛ Naftubii lɛ

¹² kɛ Patrusbii lɛ kɛ Kaslubii lɛ kɛ Kretabii lɛ (mɛi amli ni Filistibii lɛ jɛ lɛ).

¹³ Ham bi Kanaan fɔ Sidon, ekromɔbi lɛ, kɛ Het, mɛi agbɛii ni akɛtsɛ amɛshwiei lɛ.

¹⁴ Kanaan nɔŋŋ shwiei ji Yebusbii lɛ kɛ Amorbii lɛ kɛ Girgashbii lɛ,

¹⁵ kɛ Hivbii lɛ kɛ Arkibii lɛ kɛ Sinbii lɛ,

¹⁶ kɛ Arvadbii lɛ kɛ Zemarbii lɛ kɛ Hamatbii lɛ.

¹⁷ Shem (Noa bi lɛ) bihii ji Elam kɛ Ashur kɛ Arpakshad kɛ Lud kɛ Aram kɛ Uz kɛ Hul kɛ Geter kɛ Meshek; ni gbɔmɛi nɛɛ agbɛii akɛtsɛɔ amɛshwiei lɛ.

¹⁸ Shem bi Arpakshad fɔ Shela, ni lɛ hu efɔ Eber.

¹⁹ Eber nɛɛ fɔ bihii enyɔ. Atsɛ mɔ kome akɛ Peleg, ejaakɛ efɔmɔ kɛ je lɛ mli bii ateŋ ni gba lɛ bakpe; ni atsɛ Eber bi kome lɛ hu akɛ Yoktan.

²⁰ Yoktan shwiei ji Almodad kɛ Shelef kɛ Hazamawet kɛ Yera,

²¹ kɛ Hadoram kɛ Uzal kɛ Dikla;

²² kɛ Ebal kɛ Abimael kɛ Sheba,

²³ kɛ Ofir kɛ Hawila kɛ Yoba. Mɛnɛɛmɛi fɛɛ lɛ Yoktan bii ni.

²⁴ Bɔ ni wekukpãa lɛ kã shi kɛjɛ Shem nɔ kɛyashi Abram nɔ ji akɛ Shem fɔ Arpakshad, ni Arpakshad fɔ Shela,

²⁵ ni Shela fɔ Eber, ni Eber fɔ Peleg, ni Peleg fɔ Reu;

²⁶ ni Reu fɔ Serug, ni Serug fɔ Nahor, ni Nahor fɔ Tera,

²⁷ ni Tera fɔ Abram (ni atsɛɔ lɛ Abraham hu lɛ.)

Ishmael shwiei lɛ

²⁸ Abraham fɔ bihii enyɔ, Isak kɛ Ishmael.

²⁹ Ishmael bihii lɛ agbɛi nɛ: Nebaiot, Ishmael kromɔbi lɛ, kɛ Kedar kɛ Adbeel kɛ Mibsam

³⁰ kɛ Mishma kɛ Duma kɛ Masa kɛ Hadad kɛ Tema,

³¹ kɛ Yetur kɛ Nafish kɛ Kedema.

³² Abraham yɛ hemɔ ko ni gbɛi ji Ketura. Abraham kɛ lɛ fɔ bihii ekpaa: Zimran kɛ Yokshan kɛ Medan kɛ Midian kɛ Ishbak kɛ Shua. Yokshan fɔ bihii enyɔ: Sheba kɛ Dedan.

³³ Midian fɔ bihii enumɔ: Efa kɛ Efer kɛ Hanok kɛ Abida kɛ Eldaa. Shwiei ni jɛ Ketura mli ji mɛnɛɛmɛi fɛɛ.

Esau shwiei lɛ

³⁴ Abraham bi Isak fɔ bihii enyɔ, Esau kɛ Yakob.

³⁵ Esau bihii ji Elifaz kɛ Reuel kɛ Yeush kɛ Yalam kɛ Kora.

³⁶ Esau bi Elifaz ji mɔ mli ni Teman kɛ Omar kɛ Zefi kɛ Gatam kɛ Kenaz kɛ Timna kɛ Amalek jɛ.

³⁷ Reuel hu ji mɔ mli ni Nahat kɛ Zera kɛ Shama kɛ Miza jɛ.

Edom shikpɔŋ lɛ nɔ shikwɛ̃ɛbii lɛ

³⁸ Edom shikpɔŋ lɛ nɔ shikwɛ̃ɛbii lɛ, Seir shwiei ni. Seir bii ji Lotan kɛ Shobal kɛ Zibeon kɛ Ana kɛ Dishon kɛ Ezer kɛ Dishan.

³⁹ Lotan fɔ Hori kɛ Homam. Lotan yɛ nyɛmiyoo ko ni gbɛi ji Timna.

⁴⁰ Shobal fɔ Alvan kɛ Manahat kɛ Ebal kɛ Shefi kɛ Onam.

⁴¹ Zebeon fɔ bihii enyɔ, Aia kɛ Ana. Ana nɛɛ fɔ Dishon, mɔ ni fɔ Hamran kɛ Eshban kɛ Itran kɛ Keran lɛ.

⁴² Ezer fɔ Bilhan kɛ Zaavan kɛ Yaakan. Ni Dishan fɔ Uz kɛ Aran.

Edom Maŋtsɛmɛi lɛ

⁴³ Naa bɔ ni ato naa ni aye maŋtsɛ yɛ Edom shikpɔŋ lɛ nɔ dani ato maŋtsɛ yɛ Israel. Bela, Boer bi lɛ ni emaŋ ji Dinhaba lɛ ji mɔ tsutsu ni ye maŋtsɛ.

⁴⁴ Yobab, Zera bi lɛ ni jɛ Bozra lɛ, baye maŋtsɛ yɛ Bela gbele sɛɛ.

⁴⁵ Husham, ni jɛ Temanbii ashikpɔŋ lɛ nɔ lɛ baye maŋtsɛ yɛ Yobab gbele sɛɛ.

⁴⁶ Hadad, Bedad bi lɛ ni jɛ Abit lɛ, baye maŋtsɛ yɛ Hushan gbele sɛɛ. Ekɛ Midianbii lɛ wu ta, ni eye amɛnɔ kunim yɛ Moab ŋã lɛ nɔ.

⁴⁷ Samla ni jɛ Masreka baye maŋtsɛ yɛ Hadad gbele sɛɛ.

⁴⁸ Shaul ni jɛ Rehobot ni kã faa lɛ naa lɛ baye maŋtsɛ yɛ Samla gbele sɛɛ.

⁴⁹ Baal Hanan, Akbor bi lɛ, baye maŋtsɛ yɛ Shaul gbele sɛɛ.

⁵⁰ Hadad ni emaŋ ji Pau lɛ baye maŋtsɛ yɛ Baal-Hanan gbele sɛɛ. Hadad nɛɛ ŋa ji Mehetabel ni ji Me-Zahab biyoo Matred lɛ biyoo lɛ.

⁵¹ Edombii akutsei lɛ ji Timna kɛ Alva kɛ Yetet,

⁵² kɛ Oholibama kɛ Ela kɛ Pinon,

⁵³ kɛ Kenaz kɛ Teman kɛ Mibzar,

⁵⁴ kɛ Magdiel kɛ Iram.