Yubu 37 - Ngudradreadrekadhane Ka Sisiu 魯凱語聖經

¹ Kai madrau ka valrigi patipitipisi ki kidremedremeli, waituku katwase ki nataikaiyaneini.

² Kilalra, makitu kilalra makanaelre ku lingau ki Twaumase, kilalra kudra twalai ki ngudwini ku dreredrere.

³ Ku lrikaceini, walrakedale subelebelenge, twalai tali thili ki kadaengane papia talikai thili.

⁴ Ala paabilrili kilalra ku laumawmase ku waguruguru ku lingau, kudra matiisamaimali ku lingau ki dreredrere, si waedede kai reteretege ku lrikace.

⁵ Sana drekase ku Twaumase, ku matiasamaimali ngiamia, ka kaika amaka dulrwaneta thingale.

⁶ Ku Twaumase wadrekase ki pasabu mulebe mucakena, la pawdale releleke.

⁷ Paiyasadra ku awngane ki umawmase, la pathingale ki umawmase ku tapianeini.

⁸ Kai waudriwdripi mwadringi ki lilibi, si kilepenge ikai ki barungulu lini.

⁹ Ku maadrau ka valrigi twalai tali lrawdru kainganai, ku kecelre twalai ki tali dradha.

¹⁰ Ku Twaumase waipi, la akedere ku acilai, si apasabu kakawlukulu.

¹¹ Ki makeceege ka ememe paswaete ku dapengane, ku lrikace la twalai kwini ki ememe lrikace.

¹² Singiakai ku tavelevelane ki Twaumase ngipalringaungadu; patwapapalra ku drekase ki Twaumase salraelre kawmasane.

¹³ Ku Twaumase pwalebe ku udale si pwacilai ki kadaengane, pathingale ku sakialibakeini ki umawmase; mialri araudale tusapathavungane ki umawmase.

¹⁴ Yubu, kiraraketa kilalra; ala isaselebanana, si kidremedreme ku matisamaliane ku tapiane ki Twaumase.

¹⁵ Wathingalesu lutumane drekase ku Twaumase, lu palrikace patwalai ki ememe si elelethe?

¹⁶ Wathingalesu ku matisamaliane ku tapiane ki Twaumase, ku tapangimiane ki kwakulavane ka ememe lu ikai belenge ngivelevelevele?

¹⁷ Ini, lu vaivalrigi twalai tali lrawdru, kai kadaengane maculu, kwi kinawmasanesu la kaculu palraelre.

¹⁸ Lri dulrusu paralubu ki Twaumase paipai sapa subelebelenge, la pakakecenge mia lu ledra ku lriwlu ka kailungane?

¹⁹ Ala bulrua naiane ku apangimiane papia ki Twaumase kawriva; makulrungu nai, kai thingale ku apangimiane pudriadriingai pelaela.

²⁰ Kainaku wathuru kitubi ku akikawrivane ki Twaumase; bekace ikai ku umawmase ku ngiakakamani silape ku akamudane?

²¹ Kaiasasane, walikalikathe kai ledra subelebelenge, ku paramurane kai madu maka paswabelenge drele; lu vaivalrigi kasasesevere, ngwalralrivadhane kai subelebelenge.

²² Talikai dradha mwataluvaivai kwi kikingiane ka ledra; ku lrigu ki Twaumase pamwakuludru mitane.

²³ Ku puku ki wadulru sanaka manemane ka Twaumase ngwaswadrau turamuru, kaita lri maka ngudadethe; madringelrese kapapedrenge, si kai dredrepete ki umawmase.

²⁴ Lakamani sanaka umawmase lri musakene mukuludru iniane; ku Twaumase kai wadredrele kudra ki ngiatatu malrigili ka umawmase.