Yerimia 45 - Ngudradreadrekadhane Ka Sisiu 魯凱語聖經

Tapukawnane ki Tamatama ki Baruce

¹ Sa tara supatenga ka caili ku taatalialaladhane ki swa Yuda ki Yehuiakime ka lalake ki Yusia, ku Baruke wapacase ku kawrivali iniane ku vaga. Sakabilrilinga, la pelaelaku iniane,

² Ku Tamatama ka Twaumase ki swa Iseraylri naamia kai, “Baruke!

³ Amiasu kai, ‘Kiasalrunga naku! Ku Tamatama arwa drima kai sakwalrialrili tubi. Ngwaladhaku kiara daange si karilai, si kai maka isaselebane!’

⁴ “Ai, kwaku ka Tamatama lri burukaku ku cegecegengali, si akucu ku lredrekengali. Lri tungimiyaiyaku kikai kiecebe ki kadaengane.

⁵ Kiadredredremesu ku angipapasikaiyane pia ku madrau ku awngane? Kadrua! Lri pulebeaku ku amatikurwane baai ki sanaka umawmasenga; ai adravane lu mwinusu, yakaiyana kwi amuberanesu. Tamatamaku; ka amia kikai pelaela.”