Tabekacane 5 - Ngudradreadrekadhane Ka Sisiu 魯凱語聖經

Mwabaibalrithi ki Adame

¹ Kikai tailebe kai pacase amani ku mwabaibalrithi ki Adame. (Ku Twaumase sa bekace ki umawmase yai, arakai ku tangimiamianeini bekace iniane.

² Ku Twaumase wabekace liniane, yakai ku sawvalai yakai ku ababai, la subulrubulru liniane, si pasudalepe “Umawmase” iya liniane.)

³ Ku Adame satara 130 ku cailini la tulalake ku vaeva ku sawvalai, la ngimiya iniane, la sunagane iniane pasi Sethe.

⁴ Ku Adame sa tulalakenga ki Sethe yai, la panianiakeana tara 800 ka caili, si tulalalalakeana.

⁵ Sa pacai ku Adame yai tara 930 ku cailini.

⁶ Ku Sethe satara 105 ku caili twalalake ku vaeva ku sawvalai, ku sia Inuse,

⁷ la panianiakeana tara 807 ka caili, si tulalalalakeana.

⁸ Sa pacai yai tara 912 ku caili.

⁹ Ku Inuse sa taramabangate ku caili twalalake ku vaeva ku sawvalai, ku nagane sia Kenane,

¹⁰ la panianiakeana tara 815 ka caili, si tulalalalakeana.

¹¹ Sa pacai yai tara 905 ka caili.

¹² Ku Kenane satara mapitulu ku caili la tulalake ku sawvalai, ku nagane sia Mahalalile,

¹³ la panianiakeana tara 840 ka caili, si tulalalalakeana.

¹⁴ Sa pacai tara 910 ku caili.

¹⁵ Ku Mahalalile satara 65 ku caili twalalake ku vaeva ku sawvalai ku nagane sia Yarede,

¹⁶ la panianiakeana tara 830 ka caili, si tulalalalakeana.

¹⁷ Sa pacai yai tara 895 ku caili.

¹⁸ Ku Yarede satara 162 ku caili twalalake ku vaeva ku sawvalai, ku nagane sia Inuke,

¹⁹ la panianiakeana tara 800 ka caili, si tulalalalakeana.

²⁰ Sa pacai yai tara 962 ka caili.

²¹ Ku Inuke satara 65 ka caili la tulalake ku vaeva ku sawvalai, ku nagane sia Methusela.

²² Sakabilrilinga, ku Inuke la makakisudaalru ki Twaumase, kai lasu la panianiakeana tara 300 ka caili, si tulalalalakeana.

²³ Ku taikaiyaneini kawmasane tara 365 ka caili.

²⁴ Ku tapanianiakaneini makakiasudaalru ki Twaumase, ku Twaumase la malra iniane, la kaulrawnga.

²⁵ Ku Methusela satara 187 ka caili la tulalake ku vaeva ku sawvalai, ku nagane sia Lameke,

²⁶ la panianiakeana tara 782 ka caili, si tulalalalakeana.

²⁷ Sa pacai tara 969 ka caili.

²⁸ Ku Lameke sa 182 ka caili la tulalake ku vaeva ku sawvalai,

²⁹ ku nagane sia Nua; asi lwiyane kai lasu amia kai, “Ku Tamatama wapusu ki kadaengane, lakamani ku kwalrita kaungu; kikai lalake lri kamani ku wasasa ki sakwalrialrita.”

³⁰ Ku Lameke la panianiakeana tara 595 ku caili, si tulalalalakeana.

³¹ Kai lasu sa pacai tara 777 ka caili.

³² Ku Nua sa lribatenga ki tara 500 ku caili twalalake ngutulru ku sawvalai, ku nagane sia Seme, Hame, Yapethe.