Tabekacane 10 - Ngudradreadrekadhane Ka Sisiu 魯凱語聖經

Mwabaibalrithi ki tatulru ka lalalake ki Nua

¹ Kikai lebe amani ku mwabaibalrithi ki lalalake ki Nua ka sia Seme, Hame, Yapethe. Sangilribatenga ki telebe yai, kikai tatulru twalalake makanaelre ku sawvalalai.

² Ku lalalake ki Yapethe amani kai Gumire, Maguge, Madai, Yavange, Tubale, Meseke si Tirase.

³ Ku mwabaibalrithi ki Gumire amani kai swa Asekenaze, swa Ripathe, swa Tugarema.

⁴ Ku mwabaibalrithi ki Yavange amani kai swa Ilrisa, swa Taresise, swa Saipuruse, swa Rudese;

⁵ kai lalasu yakaikai ki ngwababiabila ki Miditerania si yakabicelrakane ki laveke ka kadaengane. Ka cucungulane kwini ki laminzuku. Ku mwabaibalrithi ki Yapethe yakai ki lacekele lini, lakuni lini, ku lazuku arakaikai ku vaga lini.

⁶ Ku lalake ki Hame amani kai Kuse, Izipiti, Pute, Kanange.

⁷ Ku mwabaibalrithi ki Kuse amani kai swa Seba, swa Havila, swa Sabeta, swa Rama, si swa Sabeteca. Ku mwabaibalrithi ki Rama amani kai swa Seba si swa Didane.

⁸ Kai Kuse yakai ku lalakeini ku sia Nimurude, kai lasu amani ku aswalaalanga ka tamagarange niyane ikai ki lrikisi.

⁹ Ngwalai ku taparalubane ki Tamatama, kai lasu amani kudra magarange ka taraalupu, lakamani ku iya kai ki laumawmase, “Ku Tamatama ani pangimia muswane ki Nimurude ka magarange ka taraalupu.”

¹⁰ Sakapathagilane, ku lakuniini paelre kai Babilunia, Ireke, Akade; kikai taitulru yakai tali Babilunia patuelre.

¹¹ Kai lasu la twalai kai katwase papia tali Asiria drikisi paruswadrau, tucekele ka Ninivi, Rehebuthe, Kala,

¹² si cekele Resenge ka yakai kabicelrakane ki Ninivi si Kala ka cekele.

¹³ Ku mwabaibalrithi ki Izipiti yai swa Lidia, swa Anamime, swa Lehabe, swa Napetu,

¹⁴ swa Patheruse, swa Kaselu, swa Kerete; kai swa Pelisitine yai mwabaibalrithi ki swa Kerete.

¹⁵ Ku lalalake ki Kanange amani kai Sidune (takatakanga) si Hite.

¹⁶ Kai Kanange mialrini ka cucungulane ki swa Yebuse, swa Amuri, swa Giregasi,

¹⁷ swa Hivi, swa Areki, swa Sini,

¹⁸ swa Arevade, swa Zemari, swa Hamathe. Kai swa Kanange ku lazuku ku swaadrau ku tamawvagavagadhane lini;

¹⁹ ku pagiagisane ki kadaengane lini twalai Sidune papia tali lrawdru daruru kavai adeethe ki Gaza ka cekele ka sia Gerare, papia tali talrawane kavai Sudume, Gumura, Adema, si adeethe Laseha ka cekele ka sia Zebuime.

²⁰ Kikai mwabaibalrithi ki Hame yakai ki lacekele lini, lakuni lini, ku lazuku arakaikai ku vaaga lini ka swa taliinu.

²¹ Kai Seme amani ku takatakanga ki lataka ki Yapethe, amani ku tasingikaiyane ki lamwabaibalrithi ki swa Hiburu.

²² Ku lalalake ki Seme yai amani kai Ilame, Asure, Arepakesade, Lude, Arame.

²³ Kai mwabaibalrithi ki Arame yai swa Uze, swa Hule, swa Gethere, swa Meseke.

²⁴ Ku Arepakesade twalalake ki Sela; ku Sela twalalake ki Ibere.

²⁵ Kai Ibere twalalake ngudrusa ku sawvalai: Ku tangea sia Pelege, asi lwiyane twalai ki zidaini pathagili ku tamasivagavagadhane ki laumawmase; ku tangea sia Yuketange.

²⁶ Kai mwabaibalrithi ki Yuketange yai swa Alemudade, swa Selepe, swa Hazaremavethe, swa Yera,

²⁷ swa Hadurame, swa Uzale, swa Dikela,

²⁸ swa Ubale, swa Abimaele, swa Seba,

²⁹ swa Upire, swa Havila, swa Yubabe. Kikai laumawmase yai mwabaibalrithi ki Yuketange.

³⁰ Kai lalasu yakaikai tali talrawane lregelrege, twalai Misa pakela kavai Separe.

³¹ Kikai mwabaibalrithi ki Seme yakai ki lacekele lini, kuni lini, ku lazuku arakaikai ku vaaga lini ka swa taliinu.

³² Kikai yai tamatwalaladhane ki tatulru ka lalalake ki Nua, ka singikai ku tapacasane ki lazuku, ki tamatwalaladhane. Sa ngilribatenga ki telebe, kai kawmasane sanaka minzuku makanaelre mwacungulu twalai ki lalalake ki Nua.