Taasipane 29 - Ngudradreadrekadhane Ka Sisiu 魯凱語聖經

Apatarumarane ki Tapucavicavilane ka lrisi

¹ Luka sakapitu ki dramare ki aswalalanga ka vai, lri yelrelre numi si sukubu, madha piapia ku nikauawngane ki vaivai ku awngane. Kwini ki vai, lri ngirapa,

² lai patarumara ku kiragai ki Tamatama ku sangwalreme ka Lama ka lrisi; vaeva ka lrulai ka sawvalai ka lwange, vaeva ku balase ka nikiubawbalane ka kiu, pitu ka taracailinga ka lrulai ka balase ka kiu, ka kadrwa ku takatwatumanane patuelre.

³ La mialria patarumara ku malaelamenge ka milrikinku apaelre ki lawlau ka ulrive ka Taleke ka lrisi: Ku vaeva ku sawvalai ka lwange lri apamamwa ku tulru ka kukingi ka malaelamenge ka milrikinku; ku vaeva ku balase ka nikiubawbalane ka kiu lri apamamwa ku drusa ka kukingi ka malaelamenge ka milrikinku;

⁴ ku vaeva ku lrulai ka balase ka kiu lri apamamwa ki vaeva ki kukingi ka malaelamenge ka milrikinku si patarumara.

⁵ Lai lri patarumara ku vaeva ku balase ka kiu tu Balrithane ki pasalrivane ka lrisi, lai pasikai ki mapapangale tulrisisi ku akabulane.

⁶ Ku drumane, luka dramare ki aswalalanga ka vai ku lrika apatarumarane ku Lama ka lrisi, si Taleke ka lrisi, si Paralikiliki ka lrisi, lri tuthadaalrane patarumaramara. Kikai yai kiragai ki Tamatama ka sangwalreme ka Apwi ka lrisi.

Apatarumarane ki Balrithane ki pasalrivane ka lrisi

⁷ Luka sakapitu ki dramare ki mangeale ka vai, lri yelrelre numi si sukubu; madha kanekane ku maneemanenga, la madha piapia ku nikauawngane ki vaivai,

⁸ lri papia numi ki Tamatama patarumara ku sangwalreme ka Lama ka lrisi; vaeva ka lrulai ka sawvalai ka lwange, vaeva ku balase ka nikiubawbalane ka kiu, pitu ka taracailinga ka lrulai ka balase ka kiu, ka kadrwa ku takatwatumanane patuelre.

⁹ Lai lri patarumara ku malaelamenge ka milrikinku apaelre ku lawlau ki ulrive ka Taleke ka lrisi: Ku vaeva ku sawvalai ka lwange lri apamamwa ku tulru ka kukingi ku malaelamenge ka milrikinku si patarumara; ku vaeva ku balase ka nikiubawbalane ka kiu apamamwa ku drusa ka kukingi ku malaelamenge ka milrikinku si patarumara.

¹⁰ Ku vaeva ka lrulai ka balase ka kiu apamamwa ku vaeva ka kukingi ku malaelamenge ka milrikinku si patarumara.

¹¹ Kaika kathane ku apasikaiyane ki mapapangale tulrisisi pakabula, ku nipatarumarane ku balase ka kiu si nipatarumarane ki vaivai ka Lama ka lrisi, Taleke ka lrisi, si Paralikiliki ka lrisi, lri patarumara ku vaeva ku balase ka kakiuane tu Balrithane ki pasalrivane ka lrisi.

Apatarumarane ki Talakangane ka lrisi

¹² Ki sakapitu ki dramare ki 15 ka vai, lri yelrelre numi si sukubu, ngulringalringau ki Tamatama, ku atulrisisiane lri makapitulu, ku awngane ki vaivai patuelre madha piapia.

¹³ Ikai ki aswalalanga ki vai ki tatulrisisisiane, lri patarumara numi ku Lama ka lrisi, tusapasangulremane ka akaneane ka lrisi si pakiragai ki Tamatama. Patarumara ku kadrwa ku takatwatumanane ku 13 ku lrulai ka sawvalai ka lwange, drusa ku balase ka nikiubawbalane ka kiu, 14 ka taracailinga ka lrulai ka balase ka kiu.

¹⁴ Lalri patarumara ku malaelamenge ka milrikinku, apaelre ku lawlau ki ulrive ka Taleke ka lrisi; ku vaeva ku sawvalai ka lwange apamamwa ki tulru ka kukingi ku malaelamenge ka milrikinku si patarumara; ku vaeva ku balase ka nikiubawbalane ka kiu lri apaelre ku drusa ka kukingi ku lrevege ka milrikinku si patarumara.

¹⁵ Ku vaeva ka lrulai ka balase ka kiu lri apamamwa ku vaeva ka kukingi ku malaelamenge ka milrikinku si patarumara, lri pakarededele ku lrika apatarumarane ku Paralikiliki ka lrisi.

¹⁶ Lai lri patarumara ku vaeva ku balase ka kiu, tu Balrithane ki pasalrivane ka lrisi. Kaika kathane kikai, ki vaivai ku tapiapiane ka Lama ka lrisi, Taleke ka lrisi, si Paralikiliki ka lrisi lri kai maka pakakadrwa.

¹⁷ Ku samaka pusale ki tatulrisisisiane, lri patarumara numi ku kadrwa ku takatwatumanane ku 12 ku lrulai ka sawvalai ka lwange, drusa ku balase ka nikiubawbalane ka kiu, 14 ku taracailinga ka lrulai ka balase ka kiu.

^18-19 Ki aswalalanga ka vai, ku nipatarumarane ku drumane ka satulrisiane lri pakarededele patarumara.

²⁰ Ku samakatulrulu, ku tatulrisisiane, lri patarumara numi ku kadrwa ku takatwatumanane ku 11 ku lrulai ka sawvalai ka lwange, drusa ku balase ka nikiubawbalane ka kiu, 14 ku taracailinga ka lrulai ka balase ka kiu.

^21-22 Ki aswalalanga ka vai, ku nipatarumarane ku drumane ka sapatarumarane lri pakarededele patarumara.

²³ Ku samaka supatele, ku tatulrisisiane, lri patarumara numi ku kadrwa ku takatwatumanane ku mangeale ku lrulai ka sawvalai ka lwange, drusa ku balase ka nikiubawbalane ka kiu, mangeale si supate ku taracailinga ka lrulai ka balase ka kiu.

^24-25 Ki aswalalanga ka vai, ku nipatarumarane ku drumane ka sapatarumarane lri pakarededele patarumara.

²⁶ Ku samaka lrimale ki tatulrisisisiane, lri patarumara numi ku kadrwa ku takatwatumanane ku bangate ka lrulai ka sawvalai ka lwange, drusa ku balase ka nikiubawbalane ka kiu, 14 ka taracailinga ka lrulai ka balase ka kiu.

^27-28 Ki aswalalanga ka vai, ku nipatarumarane ku drumane ka sapatarumarane lri pakarededele patarumara.

²⁹ Ku samaka nemele ki tatulrisisisiane, lri patarumara numi ku kadrwa ku takatwatumanane ku valru ka lrulai ka sawvalai ka lwange, drusa ku balase ka nikiubawbalane ka kiu, 14 ku taracailinga ka lrulai ka balase ka kiu.

^30-31 Ki aswalalanga ka vai, ku nipatarumarane ku drumane ka sapatarumarane lri pakarededele patarumara.

³² Ku samakapitulu ki tatulrisisisiane, lri patarumara numi ku kadrwa ku takatwatumanane ku pitu ka lrulai ka sawvalai ka lwange, drusa ku balase ka nikiubawbalane ka kiu, 14 ku taracailinga ka lrulai ka balase ka kiu.

^33-34 Ki aswalalanga ka vai, ku nipatarumarane ku drumane ka sapatarumarane lri pakarededele patarumara.

³⁵ Ku samakavalrulu ki tatulrisisisiane, lri yelrelre numi sukubu, madha piapia ku nikauawngane ki vaivai.

³⁶ Patarumara ku Lama ka lrisi tusangwalreme ka Apwi ka lrisi, lani kiragai ku Tamatama. Patarumara ku kadrwa ku takatwatumanane ku vaeva ku lrulai ka sawvalai ka lwange, vaeva ku balase ka nikiubawbalane ka kiu, pitu ka taracailinga ka lrulai ka balase ka kiu.

^37-38 Ki aswalalanga ka vai, ku nipatarumarane ku drumane ka sapatarumarane lri pakarededele patarumara.

³⁹ Kilakikai kakudhane ki ngwakai kikai ki tatulrisisisiane nai papia ki Tamatama patarumara ku Lama ka lrisi, Taleke ka lrisi, Paralikiliki ka lrisi, si Sulivatane ka lrisi ka kakudhane. Kilakikai yai, amani kwidra sawlri numi baai ku ningiabulrwane si ngiakakamani patarumara ka lrisi ka nidrimanenga.

⁴⁰ Ku Musi la malra ku drekase ki Tamatama ka vaga nguvavaeva pelaela ki swa Iseraylri.