Lasenai 98 - Ngudradreadrekadhane Ka Sisiu 魯凱語聖經Warathudu kai kawmasane ka Twaumase Vaeva ka senai. 1 Papia ki Tamatama senai ku bavane ka senai! Asi lwiyane paiya ku matiasamali matisalru ku awngane! Ku Twaumase arakai ku maadrau ka puku si saniange ka puku akaci. 2 Ku Tamatama peaelaela ku taakacianeini; papia ki sanaka kuni padrele ku puku ki tapalribulaneini. 3 Ku Twaumase pathingalane ku tapukawnwaneini papia ki swa Iseraylri, arakai ku patengatenganane si kai maelaela ka sakialibake marasikai liniane. Kai kawmasane kai umawmase makanaelre wadrelenga ku taakaciane ki Twaumaseta! 4 Kai kiacaebe ki belenge lri papia ki Tamatama kiraragai senai; lri arakai ku senai akwadrau drengedrengere iniane! 5 Senadha drengedrengere ki Tamatama; patungutunga drengedrengere iniane! 6 Arakaiya ku larapa, ikai ki Tamatama ka talialalaita cucubungu kiraragai! 7 Tawtava, ka laveke si layakai adringi ka lapanianianiake; senadha, ka kadaengane si yakai belenge sanaka manemane. 8 Lakadravane, carecara; la lregelrege, ikaiya cucubungu ki Tamatama si karededele senai kiraragai, 9 asi lwiyane ku Tamatama lri kela si rathudu ki kiacaebe belenge. Lri arakai ku dringelresane rathudu kawmasane; lri arakai ku patengatengane marasikai ki sanaka umawmase. |