Lasenai 95 - Ngudradreadrekadhane Ka Sisiu 魯凱語聖經Sadrengedrengerane ka senai 1 Bwala, bwala tadrengedrengere ki Tamatama! Bwala takiraragai ki palribulu mitane ka takilakebaneta! 2 Lri arakaita ku kiaseasenane ku kidremedreme mucucubungu iniane! Lri papiata iniane senai ku sadrengedrengerane ka senai! 3 Asi lwiyane ku Tamatama yai sapupukwanenga ka Twaumase, ka walribate ki sanaka twaumase ka sapupukwanenga ka talialalai. 4 Ku Twaumase warathudu kawmasane, twalai ki sadriadringinga ka barungulu pakela ki sabebeelengenga ka lregelrege. 5 Marasiakaikai ki bekaceini ka laveke; la marasikaikai ki bekaceini ka daedae. 6 Bwala, bwala tapidruru sukubu iniane! Bwala tapapia ki wabekace mitane ka Tamatama pidruru sukubu! 7 Ku Twaumase amani ku Twaumaseta; kuta amanita ku agwaguini ka kawkawlu, ka ilililukuini ka lakiu. Kaiasasane kilalra ku taiyaneini ku vaga: 8 Madha kathelrale, mia sa ikaai kavai Miriba ku cucungulaneta; madha ngialrau liniane sa ikai calragulragu ubulane, sa ikai Masa, 9 kwi lalasu adravane sa drelenga ku pasikaili liniane pia ku awngane, yakaaiana kwini kilrialringau nakwane. 10 Taramasupatele ka caili, mavalracevacaku kilakikai umawmase. Amiaku kai: Kwi lalasu kaika twakapatengatengane ku kidremedreme! Kwi lalasu kai pasalaladha ku drekaseli! 11 Lakamani yakaiyaku ki elathane kiketekete iya kai: Kwi lalasu lri kai maka dulruliinga mwa kudra naika apatarumaraneli baai liniane pasutelrai ka kadaengane. |