Lasenai 87 - Ngudradreadrekadhane Ka Sisiu 魯凱語聖經Wadrengedrengere Yerusalrime Senai ki zuku ki Kura. 1 Ku Tamatama yakai ki saniange ka lregelrege ngitatucekele; 2 madalame Yerusalrime, ka silrialribate ki sanaka cekele ki swa Iseraylri. 3 Cekele ki Twaumase, kilalra, kilalra ku tamatikaikaiyaneini ngukai ki lalrigusu: 4 Ikai kudra ki pasalalaladha nakwane kudra lakuni, amani kai swa Izipiti si swa Babilunia; la ikaiyana ku swa Pelisitine, swa Tayre, si swa Kuse, lri malraku ki lalasu tuumawmase ki swa Yerusalrime. 5 Pangukai ki swa Ziyungu, sanaka kuni makitu umawmaseini makanaelre; ku Abebeelengenga lri pakagarange iniane! 6 Ku Tamatama lri padulru ku mibu ki laumawmase, si malra liniane tuumawmase ki swa Yerusalrime. 7 Kwi lalasu lri dralradralrai senasenai: Ku berai ki akaesadhaneta yakai Ziyungu! |