Lasenai 82 - Ngudradreadrekadhane Ka Sisiu 魯凱語聖經Abebeelengenga ka warathudu ka Twaumase Tusenai ki Asape. 1 Ku Twaumase marasiakai ku tayelrelreane ikai belenge; la turingaringau ikai ki tairubwane ki latwaumase. 2 Ku Twaumase amia kai: Kunumi tara idrengera kwini saibaibange numi kai aparamaramau; kai numi lri maka pusakainga ki manganga ka umawmase! 3 Palakeba ku kindri ki lamatiakukuru ka umawmase si lapakulrulrulu ka lavavalake; arakaiya ku aparamaramavane marasikai ki matiakukuru ka umawmase. 4 Palribula ki matiakukuru ka umawmase, lani kai kitusinalreme ki tanganganga. 5 Ani ka kadrwa ku thingale numi, kakulrungu turamuru! Panianianiake numi ikai ki kadradridrimitane; ku dringelresane maulrawnga twalai kawmasane. 6 Amianga naku, twaumase numi; lalalake numi makanaelre ki Abebeelengenga. 7 Ai, lri mararaamau numi ki palrapalra pacai; lri mia numi sanaka lalake ki talialalai tubakebake pacai! 8 Twaumase, kiatubiaku muswane ngidrakala si saibange kai kawmasane, asi lwiyane kai sanaka kuni muswane patuelre. |