Lasenai 8 - Ngudradreadrekadhane Ka Sisiu 魯凱語聖經

Lrigu ki Twaumase si akiusakenane ki umawmase

Tusenai ki Davidi. La baai ki tarasangililuku ki sikatai, la arakai ku Gate ka patungutungu.

¹ Tamatama ka Twaumase nai, ku takasaniangananesu mwataluvaivai ikai kai kawmasane! Ku lingau ki wadrengedrengedrengere muswane salraelre subelebelenge;

² ku ladaini si lavavalake masiasiasilange senasenai. Twakecengesu alradre ki cekele ka satelengane ki badha; watelengesu ki badha ku lri kikaruburu muswane.

³ Lu tangeraranaku si masiasirare drele ku pwalrimasu bekace subelebelenge, si drele ku patilibisu ku dramare si latariau.

⁴ Manemane ku apasiasipane ki umawmase, la ngulringalringausu kakalithi iniane! Manemane ku apasiasipane ki lri tara kaburau ka umawmase, la kakalikalithisu kathalrai iniane!

⁵ Ai, sabekacesu twa salelelebesu iniane muswane; arakaisu ku lrigu, kiwsakenane tupagamucu iniane.

⁶ Pakamanisu iniane marasikai ki sanaka nibekacane, si pikaisu lebe ki drapaleini sanaka manemane:

⁷ Ku lwange, kiu, yaubulane ka walrawlrawlrakwane ka waudriwdripi,

⁸ ngwababelenge ngipalapalai ka laadhadhame, ikai vaalru ka lakange, lapanianianiake ikai ki laveke, amanini ka lri marasikaikai.

⁹ Tamatama ka Twaumase nai, ku takasaniangananesu mwataluvaivai athingalane ikai kai kawmasane!