Lasenai 77 - Ngudradreadrekadhane Ka Sisiu 魯凱語聖經

Sasasane lu kwalrialri

Tusenai ki Asape. La baai ki tarasangililuku ki sikatai ka Yedutune.

¹ Papiaku ki Twaumase kitubi karaleale; akwadravaku tawtau, la tukurwane si kilalra nakwane.

² Lu kwalrialriaku, kiatubiaku ki Tamatama; watalearaku ciliki kai alrima inulrinulri, ai kadrwa ku sasasane.

³ Lu kabarengeraku ki Twaumase tara wadangaku; lu kidremedremedremaku, ngwapukuanaku.

⁴ Ku Twaumase kai pakasipelrenge nakwane; la kawpungaku kai kasulivalivate, kai maka kawriva.

⁵ Ngwalrialringavaku ku ngialribate ku vai, la ngulringavaku ku siaswalane ku caili.

⁶ Watalearaku kidremedremedreme; la pikidremedremaku ngikakivaga iya kai:

⁷ Bekacaini ku Tamatama ka palralrawthunga cilri naiane? Bekacaini ka palralrawthunga kai kadalamenga naiane?

⁸ Ku sakialibakeini palralrawthunga kawlrau? Ku pukawnungaini kai lri ngimianga patuelre?

⁹ Bekace ka marimurunga muelebe ku migemi ku Twaumase? Bekace ka ara elathane pawbalrithi ki kalithaneini?

¹⁰ Lakamani ku iyali kai: Ku kamatutubiyanenga ki kidremedremeli yai, ku puku ki Abebeelengenga ka Twaumase akabalrithinga.

¹¹ Tamatama, lri pulringavaku ku saniangane ku tapianesu; lri ngulrialringavaku saka siaswalane ku piasu ku matiasamali.

¹² Lri kidremedremaku ku kaungusu patuelre; lri kidremedremaku kwi madrau ka pukusu ku tapiane patuelre.

¹³ Twaumase, ku piasu mabula patuelre; kadrwa ku drumane ku twaumase ku apakiramavane muswane.

¹⁴ Paiyasu ku pinangu Twaumasane ka puku ka Twaumase; papiasu ki lakuni putaluvaivai ku maadrau ka pukusu.

¹⁵ Arakaisu ku pukusu palribulu ki kawkawlusu, la palribulu ki mwabaibalrithi ki Yakubu si Yusepe.

¹⁶ Twaumase, ku kadravane lu drele muswane mwakuludru patuelre; kai swadriadringi lu drele muswane la mialri manugiligili patuelre.

¹⁷ Ku makeceege ka ememe pwalebe ku tarwadrau ku udale; kai subelebelenge wadreredrere elraelrange, ku lrikace makalrivavatha ibelenge.

¹⁸ Ku lingau ki dreredreresu wagengegenge tucicaici; ku lrikace paledra palraelre kawmasane; kai kadaengane mwakuludru manugiligili.

¹⁹ Wadadavacesu ki laveke, si lribate ki swadriadringi, ai kaidu maka wasilape ku tapudrapalanesu.

²⁰ Arakaisu ku alrima ki Musi si Arungu, mia ki taraagu sangililuku ki kawkawlusu.