Lasenai 72 - Ngudradreadrekadhane Ka Sisiu 魯凱語聖經

Pasiakai ki talialalai inulri

Tusenai ki Sulumungu.

¹ Twaumase, kiatubiaku muswane bulrwa ki talialalai ani singikai ki dringelresanesu saibange; kiatubiaku muswane patarumara baai iniane ku dringelresanesu.

² Luka ngimiyaiya kikai kwi lasu lri arakai ku dringelresane rathudu ki kawkawlusu, lri arakai ku aparamaramavane marasikai ki kiadredredrepete ka matiakukuru ka umawmase.

³ Ani kisupisupilri ku sulivatane ku kuni palraelre; ku laumawmase makanaelre ani kilrialringau ku dringelresane.

⁴ Ku talialalai ani arakai ku aparamaramavane palakebe ki matiakukuru ka umawmase; kwi lasu ani palribulu ki matiakukuru ka kadrwa ku paralubu ka umawmase, si lrumai ki wadredredrepete liniane ka umawmase.

⁵ Sana paledra ku vai, la ledra ku dramare, ku kawkawlusu ani sukubu muswane palralrawthu.

⁶ Ku talialalai ani mia ki udale mulebe ikai ki ububulane, mia ki pakaalreke ki kadaengane ka udale.

⁷ Ikai ki tarathudaneini ka vai ani putaluvaivai ku dringelresane, ku taikaiyane ki dramare ku caili ani kasulivaliivate ku kuni si laumawmase.

⁸ Ku kuni ki lasu ani twalai kai ki laveke aru swadrau daruru kavai ki laveke, ani twalai kadravane Yuparati mwa ki talikaiyane ki kadaengane.

⁹ Ku yakaikai ki calragulragu ku laumawmase lri ikai cucubungu iniane sukubu; ku badhaini lri tubakebake si papia iniane sukubu.

¹⁰ Ku latalialalai ki swa Taresise si lakadaengane ikai kabicelrakane ki laveke lri papia iniane tupadulru patarumara ku saceacebe; ku latalialalai ki swa Seba si swa Siba mialri kela si iluku ku saceacebe.

¹¹ Ku latalialalai lri ikai cucubungu iniane sukubu; sanaka kuni lri sukubu iniane.

¹² Kwi lasu palribulu ki matiakukuru ka umawmase ka papia iniane kitubi; kwi lasu paralubu ki matiakukuru kwalrialri ka kadrwa ku paralubu ka umawmase.

¹³ Kwi lasu makalithi ki twaramuru matikukuru ka umawmase; la palribulu ku niake ki matiakukuru kwalrialri ka umawmase.

¹⁴ Kwi lasu palribulu liniane pakidaili ki wadredrepete si walrumalrumai; kwi lasu lu drele ki niake lini twakucingalre.

¹⁵ Talialalai banzai! Kwi lasu ani malra ku kingi ki swa Seba; ani ikai ku umawmase ku kai watelrai pasikai iniane inulri; ku Twaumase ani ka tapatarumaramarane baai ku akaesadhane iniane.

¹⁶ Ku kadaengane ani tutaleke, ku lrelrelrege ani suete ku twataleke ka umawma, lu kitaleke ani mia Lebanungu kakalra; ku cekele ani takaalra ku umawmase, mia ubulane suete ku laubulu.

¹⁷ Ku naganeini ani ikai palralrawthu kai kamudu; ku takimatikaiyaneini ani mia ki vai ikai palralrawthu. Sanaka kuni ani ngwalai iniane si kisubulrubulru; sanaka umawmase ani pasikai iniane kitubi ku akaesadhane!

¹⁸ Drengedrengera ki Tamatama ka Twaumase ki swa Iseraylri! Kathaneini ka pangiamia ku matiasamali ku awngane.

¹⁹ Palralrawtha drengedrengere ku lrigu ka naganeini; ku draredrareini ani salraelre ki kadaengane! Amingi! Amingi!

²⁰ Paliakai ku inulri ki Davidi ka lalake ki Yesi.