Lasenai 53 - Ngudradreadrekadhane Ka Sisiu 魯凱語聖經

Ngangacane ki umawmase

Tusenai ki Davidi ka sabulrwane ka senai. La baai ki tarasangililuku ki sikatai. Ku lingau arakai ku “Mahala”.

¹ Ku ngiakalrilrigu turamuru ka umawmase ngiaiyaiya kai: Kadrwa ku Twaumase. Kwi lalasu ngialisianenga, paiya ku matiavalracevace ku awngane; kadrwa ku natangeanga ku paiyaiya ku mathariri.

² Ku Twaumase twalai belenge dredrele kai kawmasane ki laumawmase, wadredrele lu ikai lutumane ku ngiathingale ku umawmase, luka yakai lutumane ku kiasilasilape ki Twaumase ku umawmase.

³ Ai, waciilringa iniane sanaka umawmawmase, maramaramawnga makanaelre ngilisiane. Kadrwa ku umawmase ku la paiyaiya ku mathariri, kadrwa ka natangeanga.

⁴ Ku Twaumase kiavaga: Kai wathingale kwidra lamanganganga ka umawmase? Bekace ka kadrwa ku thingale lini? Kwi lalasu wakane lrede ki kawkawluli; kwi lalasu kai wathingale papia nakwane kitubi.

⁵ Ai, kwi lalasu lri ngituluku si mukuludru, lri kilringau kudra kaika miana lini ku mukuludrane, asi lwiyane ku Twaumase lri papacai amudu kwidra badha ki kawkawluini. Wacilringa liniane, kwi lalasu la kasulringa si kiarubwane.

⁶ Ku apalribulane ki swa Iseraylri ani twalai ka Ziyungu kainganai! Luka amani kwidra, ku Twaumase lri pasiwlriwlriane ki kawkawluini pudriadringai tucekele. Lri itituku ki sakiararagai ku lagagane ki Yakubu; ku laumawmase ki swa Iseraylri lri kiraragai.