Lasenai 43 - Ngudradreadrekadhane Ka Sisiu 魯凱語聖經

Inulri ki acaicaicali ka umawmase (pacungulu)

¹ Twaumase, kiatubiaku muswane pelaela ka kadrwa ku pasalrivaneli, pusakaiyaili kawriva papia ki kai mwasakene ka laumawmase; kiatubiaku muswane palribulaili pakidaili ki watavuvuvulrucu ka mangangace ka umawmase.

² Amanisu ku palakebe nakwane ka Twaumase; asu cilri nakwane? Anau ngithanga kitulilisi ki badha? Ani kai ateateke ku akwalriane?

³ Kiatubiaku muswane arakaiya ku patengane ka sabulrwanesu, si ledrasu ililuku nakwane, ilukaili siwlri mwa ki saniange ka lregelregesu Ziyungu, mwa ki taikaikaiyanesu ka daane.

⁴ Lukamiyaiya kai, Twaumase, lri mwaku cucubungu ki takipatarumaramaranesu, la mucucubungu muswane ka patarwamara nakwane ku kadrwa ku talikaiyane ku sakiararagai ka Twaumase. Twaumase, ka Twaumaseli, lri patungutungaku senai drengedrengere muswane.

⁵ Anau mia kikai tubi? Anau mia kikai ngupukuanenga? Lri sudralrwaku ki Twaumase, si pelana drengedrengere iniane; amani ku palribulu nakwane ka Twaumase.