Lasenai 3 - Ngudradreadrekadhane Ka Sisiu 魯凱語聖經Inulri ikai ki mialrealre ku akiparalubane Tusenai ki Davidi sa mubebere ki lalakeini ka Abesalrume 1 Tamatama, ani ka tathathatha kai badhali! Ani ka tathathatha kai umawmase ku lri kikaruburu nakwane! 2 Kwi lalasu mapeaelaelaela patharukai nakwane, iya kai: Ku Twaumase kai lri paralubu iniane! 3 Ai Tamatama, amanisu ku palralrawthu palakebe nakwane ka alathareli; paakaciaili, la nau makatangerarane. 4 Papiaku ki Tamatama kitubi ku akiparalubane, ku Tamatama twalai ki saniange ka lregelregeini palraingi nakwane. 5 Lu apecaku kasipelrenge, lu pacunaku si ngidrakale, ku Tamatama palakebe nakwane. 6 Adravane lringulu nakwane ku tathathatha ku badha, kainaku mwakuludru. 7 Tamatama, bwala kainganadha! Twaumaseli, palribulaili! Pakaburawsu ku lringau ki labadhali, la tatuthirisu ku valisi ki manganga ka laumawmase. 8 Ku apamalebeane twalai ki Tamatama kainganai; ku Tamatama ani subulrubulru ki kawkawluini. |