Lasenai 29 - Ngudradreadrekadhane Ka Sisiu 魯凱語聖經

Lingau ki Tamatama ikai ki umuku

Tusenai ki Davidi.

¹ Lalalake ki Twaumase, senadha drengedrengere ki Tamatama; kunumi yai drengedrengera ku lriguini si pukuini.

² Kunumi senadha drengedrengere ku lrigu ka nagane ki Tamatama; kunumi sukuba ki saniange matiaukuludru ka Tamatama.

³ Ku lingau ki Tamatama salraelre ki laveke; ku lrigu ka Twaumase padreredrere elraelrange, ku lingau ki Tamatama waelraelrange salraelre ki laveke.

⁴ Ku lingau ki Tamatama madrau ku puku; ku lingauini matiamukuludru turamuru.

⁵ Ku lingau ki Tamatama watedrese pakangangetele ki cedare ka angatu, adravane ku cedare ka angatu ikai Lebanungu kiatedrese ki lingau ki Tamatama si kangangetele.

⁶ La paitituku ki lalregelrege kavai Lebanungu mia ki lalrulai ka lwange, ku lregelrege Himunge la mialri mia ki yaubulane ka lwange itituku.

⁷ Ku lingau ki Tamatama wadreredrere lrikalrikace.

⁸ Ku lingau ki Tamatama walingilingi ubulane; ku Tamatama wavelevele kavai enaenai Kadise.

⁹ Ku lingau ki Tamatama wavelevele ki tharialupu ka laangatu, la ururu ku vasau ki laangatu; ikai ki daaneini, makakaraleale ku laumawmase kiraragai: Ku lrigu ani papia ki Twaumase!

¹⁰ Ku Tamatama marasiakai ki telebe; ku Tamatama lrika palralrawthu atalialalai si rathudu.

¹¹ Ku Tamatama patarwamara ku puku si baai ki kawkawluini; ku Tamatama patarwamara ku sulivatane si baai ki kawkawluini.