Lasenai 23 - Ngudradreadrekadhane Ka Sisiu 魯凱語聖經Ku Tamatama amani ku taragwagu nakwane Tusenai ki Davidi. 1 Ku Tamatama amani ku taragwagu nakwane; kadrwa ku kawrameli sanaka manemane. 2 Paiyasadra nakwane pikai ki masalese ka ububulane, la ililuku nakwane mwa ki angusakiadulruananeli thili ki acilai ka vaalru. 3 Patarwamara baai ku bavane ka puku nakwane. Singiakai ki palraingingaini ililuku nakwane ngukakai ki madringelrese ka kadalranane. 4 Adravane ngukakaiyaku ki dradridrimitane ki sapapacai ka valrwalru, lri kainaku mukuludru ku apacadhane; asi lwiyane yakaisu tapalra nakwane, arakaisu ku ukudru ililuku nakwane, arakaisu ku drwalre palakebe nakwane. 5 Ikai cucubungu ki badhali, pasiakaisu nakwane putaleke si pangiakaneane; twaniusakenanesu nakwane mia ki badhabadha, la gugusu pasuete ki kupuli. 6 Kai tapanianianiakaneli lri kisupisupilraku ku migemisu si kai lri akabalrithi ka sakialibakesu; lrika palralrawthaku ikai ki daanesu ka Tamatama. |