Lasenai 20 - Ngudradreadrekadhane Ka Sisiu 魯凱語聖經Pasiakai ki talialalai inulri Tusenai ki Davidi. Wabaai ki tarasangililuku ki sikatai. 1 Ku Tamatama ani kakalithi muswane lu ikaisu ki akwalriane ka vai! Ku Twaumase ki Yakubu ani palakebe muswane! 2 Ani twalai ki daaneini paralubu muswane, twalai Ziyungu lregelrege paralubu muswane! 3 Ku Twaumase ani tarumara ku patarumarasu ku lamanemane, ani kiragai tarumara ku patarumarasu ku Lama ka lrisi. 4 Ani pangimia ku kidredredremesu, la pangimia ku nau pia iyaiyasu. 5 Luka ngimiyaiya kikai, lri pasikai nai ku taakacianesu kiraragai, si drengedrengere ki Twaumaseta, kiraragai ku taakacianesu kelakela. Ku Tamatama ani pangimia ku takitubianesu patuelre! 6 Kaiasasane wathingalenga naku: Ku Tamatama patarwamaranga baai ki cegecegeini ka talialalai ku akaciane, twalai subelebelenge palraingi iniane, arakai ku maadrau ka pukuini paakaci iniane. 7 Yakai ku umawmase ku satalu ki sakikaruburuburane ka lapalridingi lini; yakai ku umawmase ku satalu ki larigi lini; ai kunai lri satalu nai ki Tamatama ka Twaumase nai. 8 Kwi lalasu lri kasuburu si tubakebake, kunai lai lri kapapeedrenge nai acegecege kai lrudralrudrai. 9 Tamatama, paakacia ki talialalai; lu kitubi nai, pukawnanga naiane. |