Lasenai 15 - Ngudradreadrekadhane Ka Sisiu 魯凱語聖經

Drekase ki Twaumase

Tusenai ki Davidi.

¹ Tamatama, aneane ku lri dulru mudaane ki daanesu? Aneane ku lri ikai ki saniange ka lregelregesu Ziyungu?

² Amani kudra madringelrese ku kakwakudhane, si sanaka maneemane la pasalalaadha ki Twaumase. Kwini lasu lu kawriva patengatengane,

³ kai twalisilisi ki umawmase. Kai paiyaiya ku apasalrivaneini ki talragilragi, la kai kawriariariva capange si dula ki lapasiagiagisi.

⁴ Kai lasu twadrekase ki pasalrisalriu ka manganga ka umawmase, la tukucingalre ki mwasakene mukuludru ki Tamatama ka umawmase. Kai lasu kai taulra ku asipunaneini ngwalai ku apangimiane ku kiketeketengaini.

⁵ Kai lasu lu pakisalru ku paisu ki umawmase kai wamalramalra ku lalake, la kai malramalra ku pavangalre si tulisi ki kadrwa ku pasalrivane. Ku pangiamia kilakikai ku umawmase lri kai sipai palralrawthu.