Lasenai 149 - Ngudradreadrekadhane Ka Sisiu 魯凱語聖經

Sadrengedrengerane ka senai

¹ Haliluya! Papia ki Tamatama senai ku vaeva ka bavane ka senai; ikaiya ki tayelrelreane ki patengane ka kawkawluini drengedrengere iniane.

² Iseraylri, ngwaladha ki wabekace ka Tamatama numi kiraragai; lalalake ki Ziyungu, ngwaladha ki talialalai numi kiragai.

³ Dralradha drengedrengere ku naganeini; bangebanga patungutungu drengedrengere iniane.

⁴ Ku Tamatama madalame ki kawkawluini; arakai ku taakaciane pakalreva ki ngiasasangate ka umawmase.

⁵ Ku kawkawluini ani ngwalai ku taakaciane kainganai si kiraragai; kwi lalasu ani taleare senasenai putaritariri.

⁶ Kwi lalasu ani akwadrau kiraragai, drengedrengere ki Twaumase. Kwi alrima lini waecenge ku maecebe karangisi ka dramu,

⁷ pakai ku abilriane ki lakuni, si pathavungu ki lakawkawlu lini;

⁸ la malra kerenge ki latalialalai lini, la malra ku kicikici kerenge ki laabebelengenga ki tarasangililuku;

⁹ lri singikai ku drekase ki Twaumase pathavungu ki lakuni. Kikai amani ku taakaciane ki kawkawlu ki Twaumase. Haliluya!