Lasenai 145 - Ngudradreadrekadhane Ka Sisiu 魯凱語聖經

Wadrengedrengere ka senai

Tusenai ki Davidi ka sadrengedrengerane ka senai.

¹ Twaumaseli, lri pelaelaku pasalraelre ku sanianganesu; talialalaili, lri palralrawthaku kiaseasene muswane.

² Lri kiaseasenaku muswane lukakaiyaiyaiya; lri pakelaku ki mwabaibalrithi drengedrengere muswane.

³ Ku Tamatama madradraunga, nai kaadrau ku akidrengedrengerane; ku sanianganeini kai amaka alekeleketane.

⁴ Sanaka mwabalrithi ka zidai lri pelaelaela pasalraelre ku tapianesu; kwi lalasu lri mapadawdaruru makanaelre pelaela ku maadrau ka takaunganesu.

⁵ Kwi lalasu lri pelaelaela ku lrigusu, ku matiwsakenanesu; lri pakatwasaku pelaela ku matisamaliane ku tapianesu.

⁶ Ku laumawmase lri mapelaelaela ku matiaukuludru si maadrau ka pukusu; lri pelaelaku pasalraelre ku sanianganesu.

⁷ Kwi lalasu lri pelaelaela ku thariranesu, si drengedrengedrengere ku dringelresanesu.

⁸ Yakai ku migemi ki Tamatama, swaete ku kalithane; kai malisilisi cacapange, swaete ku kai lri akabalrithi ka sakialibake.

⁹ Ku Tamatama twakalithane marasikai ki sanaka panianianiake; ku thalradhaneini yakai ki sanaka kiabeekace.

¹⁰ Tamatama, ku bekacesu patueelre sanaka manemane lri drengedrengere muswane; ku kawkawlusu makanaelre lri kiaseasene muswane.

¹¹ Kwi lalasu lri pelaelaela ku lrigu ku magagemegemesu ka puku, si lri pelaelaela ku maadrau ka pukusu;

¹² Kwi lalasu lri pathingale ki yakawmasane makanaelre ku tapiane ki maadrau ka pukusu, si thingale ku lrigu si matiwsakenane ki kunisu.

¹³ Ku gemegemesu ku puku lri ikai palralrawthu; lri palralrawlrawthusu atalialalai. Ku pukawnunga ki Tamatama tengatengane ka asudralrwalrwane; ku piaini patuelre mathaariri.

¹⁴ Ku Tamatama paralubu ki kiapadradresedresenge ku akwalriane ka umawmase; wadrakale ki kiadredredrepete ka umawmase.

¹⁵ Sanaka panianianiiake patuelre satalutaalu muswane; singiakaisu ki zikange baai liniane ku akaneane.

¹⁶ Makaalra ku babaisu liniane, pangwalwaadhanesu ku murikaikai lini patuelre.

¹⁷ Ku tapiane ki Tamatama patuelre yai madringelrese; ku piaini yakaai ku kalithane.

¹⁸ Ku Tamatama wadeethe sanaka kiatubi iniane ka umawmase; la arwa dethe ki patengatengane kitubi iniane ka umawmase.

¹⁹ Ku Twaumase lri pangimia ku urikaikai ki mwasakene mukuludru iniane ka umawmase; la kilalra ku kitubi lini, si palribulu liniane.

²⁰ Ku Tamatama lri palakebe sanaka madalame iniane ka umawmase; ai lri amudu ki tangangangace ka umawmase.

²¹ Lri drengedrengeraku ki Tamatama; sanaka kiabekace ani ka palralrawthu drengedrengere ku saniange ka naganeini.