Biblia Todo Logo
Bìoball air-loidhne

- Sanasan -

Lasenai 14 - Ngudradreadrekadhane Ka Sisiu 魯凱語聖經


Ngilisianane ki umawmase
( Lasenai 53 )
Tusenai ki Davidi. La baai ki tarasangililuku ki sikatai.

1 Kai ngialralrigu ka umawmase ngiakakawrivariva: Kadrwa ku Twaumase iya. Kwi lalasu ngialisianenga makanaelre, paiya ku matiavalracevace lu twatumane; kadrwa ku natangeeanga ku mathariri ka umawmase.

2 Ku Tamatama twalai belenge drele ki yakawmasane ka umawmase, si dredrele lu ikai ku malrigili lutumane, lu lri ikai ku wasilasilape ki Twaumase lutumane.

3 Ai sanaka umawmase thiavalraunga ki makalecege ka kadalranane; maramaramau makanaelre ka ngialisianenga. Kadrwa ku mathariri ku umawmase, ku natangeeanga.

4 Ku Tamatama la kiavaga: Ku manganganga ka umawmase kai wathingale? Bekace ka kadrwa ku thingale lini? Kwi lalasu walrede ki kawkawluli; si kai thingale papia nakwane kitubi.

5 Ai, kwi lalasu lri ngituluku si mukuludru, asi lwiyane ku Twaumase tapalra ki madringelrese ka umawmase.

6 Kai mangangace ka umawmase mwalralrakai ku takikakane ki matiakukuru ka umawmase; ai ku Tamatama lri atakilakebane lini iniane.

7 Ku akipalribulane ki swa Iseraylri ani twalai kavai Ziyungu kainganai! Lukamaninga kwidra, ku Tamatama lri pasiwlriwlriane ki kawkawluini tucekele. Ku agagane ki Yakubu lri kiraragai; ku swa Iseraylri lri kapeaperau.

© The Bible Society in Taiwan, 2017

All rights reserved

© 臺灣聖經公會版權所有,2017

Bible Society in Taiwan
Lean sinn:



Sanasan