Biblia Todo Logo
Bìoball air-loidhne

- Sanasan -

Lasenai 138 - Ngudradreadrekadhane Ka Sisiu 魯凱語聖經


Kiaseasene ka inulri
Tusenai ki Davidi.

1 Tamatama, lri savaeva kai kidremedremeli kiaseasene muswane; lri ikaiyaku ki la twaumase cucubungu drengedrengere muswane.

2 Lri ikaiyaku cucubungu ki Alrivilrivi ka taikaikaiyanesu sukubu, lri drengedrengeraku ku naganesu; asi lwiyane patengatenganesu, ka yakai ku kai lri akabalrithi ku sakialibake, ngiapapadrelanesu ku naganesu si drekasesu walribate ki sanaka maneemane patuelre.

3 Lu kitubiaku muswane, twabalresu nakwane; arakaisu ku pukusu pakalrumale nakwane.

4 Tamatama, kai latalialalai kawmasane lri drengedrengere muswane makanaelre, asi lwiyane kwi lalasu kialalranga ku lapukawnusu.

5 Kwi lalasu lri drengedrengere ku tapianesu, lri drengedrengere ku maadrau ka lrigusu.

6 Ku Tamatama matiwsaesakenenga, ai siarapale ki kaika sapatumatumane ka umawmase; ku paramuru ngikalrilrigu ka umawmase kai lri maka ikai cucubungu iniane kilepenge.

7 Kialrepelrepaku ki akwalriane, ai palakebesu ku akasulivataneli. Walrumaisu ki paramuru kalisi ka labadha, si arakai ku pukusu palribulu nakwane.

8 Lri tara pangimiasu ku pukawnungasu nakwane; Tamatama, ku sakialibakesu lri ikai palralrawthu! Kiatubiaku muswane tulrepenga kudra ngipapathagilisu ku awngane.

© The Bible Society in Taiwan, 2017

All rights reserved

© 臺灣聖經公會版權所有,2017

Bible Society in Taiwan
Lean sinn:



Sanasan