Lasenai 137 - Ngudradreadrekadhane Ka Sisiu 魯凱語聖經Barengerane Ziyungu ki acaicali ka swa Iseraylri 1 Lu nene nai ikai babiabila ki kadravane Babilunia, sana kidredreme nai Ziyungu twavasavase kai lrese nai tubitubi. 2 Ikai babiabila ki kadravane belenge ki yanagi, wakelrai nai ku harepe ka rugange. 3 Kudra waravase naiane ku umawmase senadha amia naiane; kudra pakwalrialrialri naiane ku umawmase pakapeaperava naiane amia. Kwi lalasu amia kai: Bwala! Senadha pasikai naiane ku vaeva ka senai Ziyungu! 4 Ikai ki sakamaelanane ka kuni, lri tumane nai dulru senai ku sadrengedrengedrengerane ki Tamatama ka senai? 5 Yerusalrime, alaiyasi karimuraku muswane, ani pacai kai vanale ki alrimali, si kai dulrunga paurugange! 6 Lu kainaku pulringau muswane, lu kainaku tumakadrwadrwa ka makiraragaingali ki Yerusalrime, ani kakawlukulu kai lridameli, si kai dulrunga senai! 7 Tamatama, kiatubiaku muswane pulringaava ku ngikarakacanane ki swa Idume. Sakavai ka taamakiane ki Yerusalrime, kwi lalasu maka karalealeale: Buruka! Buruka! Alra paadratane! 8 Babilunia, lri kiamudusu; kudra singiakai ku tapianesu naiane ku ngialisiane si bilri muswane ku umawmase, kwini lasu yai ala amani ku yakai ku akaesadhane turamuru! 9 Kudra wamalra ki lrulaisu, si pwaverevere pikai belenge ki lrenege ku umawmase, kwini lasu yai ala amani ku yakai ku akaesadhane turamuru! |