Lasenai 136 - Ngudradreadrekadhane Ka Sisiu 魯凱語聖經

Kiaseasene ka senai

¹ Kiaseasena ki Tamatama, asi lwiyane ku Twaumase mathaithaariringa; ku sakialibakeini lri ikai palralrawthu.

² Kiaseasena ki Twaumase ki sanaka twaumase; ku sakialibakeini lri ikai palralrawthu.

³ Drengedrengera ki Tamatama ki sanaka tamataama; ku sakialibakeini lri ikai palralrawthu.

⁴ Kathaneini ku paiya ku maadrau ku pinangu Twaumasane ka puku; ku sakialibakeini lri ikai palralrawthu.

⁵ Ku Twaumase singiakai ki lrigilaneini bekace subelebelenge; ku sakialibakeini lri ikai palralrawthu.

⁶ La pibelenge ki mwaadringi ka acilai sapa kai kadaengane; ku sakialibakeini lri ikai palralrawthu.

⁷ Ku Twaumase wabekace ki vai si dramare; ku sakialibakeini lri ikai palralrawthu.

⁸ Ku vai marasiakai ki vaiyane; ku sakialibakeini lri ikai palralrawthu.

⁹ Ku dramare si latariau marasiakai ki maungu; ku sakialibakeini lri ikai palralrawthu.

¹⁰ Ku Twaumase papacai ki aswalalanga kitulalake ki swa Izipiti; ku sakialibakeini lri ikai palralrawthu.

¹¹ Waililuku ki swa Iseraylri katwase Izipiti; ku sakialibakeini lri ikai palralrawthu.

¹² Watale ku makecenge ka alrima si tabalangane; ku sakialibakeini lri ikai palralrawthu.

¹³ La apawvagai ki acilai ki laveke Suize; ku sakialibakeini lri ikai palralrawthu.

¹⁴ La ililuku ki kawkawluini katwase lribate; ku sakialibakeini lri ikai palralrawthu.

¹⁵ Ku Twaumase wathene ki talialalai ki swa Izipiti si kwapingini; ku sakialibakeini lri ikai palralrawthu.

¹⁶ Waililuku ki kawkawluini ngukakai calragulragu ubulane; ku sakialibakeini lri ikai palralrawthu.

¹⁷ Ku Twaumase papacai ki garagarange ka latalialalai; ku sakialibakeini lri ikai palralrawthu.

¹⁸ Papacai ki kiamatikaikai ka latalialalai; ku sakialibakeini lri ikai palralrawthu.

¹⁹ Papacai ki Sihunge ka talialalai ki swa Amuri; ku sakialibakeini lri ikai palralrawthu.

²⁰ Ku Twaumase papacai ki Uge ka talialalai ki swa Basane; ku sakialibakeini lri ikai palralrawthu.

²¹ Ku Twaumase wamalra ku kadaengane lini si patarumara baai ki kawkawluini; ku sakialibakeini lri ikai palralrawthu.

²² Wamalra ku kadaengane lini si patarumara baai ki sasiakawluini ka Iseraylri; ku sakialibakeini lri ikai palralrawthu.

²³ Sa amaki nai, ku Twaumase kai wacilri naiane; ku sakialibakeini lri ikai palralrawthu.

²⁴ Palribulu naiane pakidaili ki alrima ki labadha; ku sakialibakeini lri ikai palralrawthu.

²⁵ Ku Twaumase patarwamara ku akaneane baai ki umawmase si waudriwdripi; ku sakialibakeini lri ikai palralrawthu.

²⁶ Kiaseasena ki Twaumase ka yabelenge; ku sakialibakeini lri ikai palralrawthu.