Lasenai 130 - Ngudradreadrekadhane Ka Sisiu 魯凱語聖經Kiatubi ku akiparalubane Papwadradradha ka senai. 1 Tamatama, yakaiyaku ki sulriane kitubi muswane. 2 Tamatama, kiatubiaku muswane kilalra kai tungawngauli; kiatubiaku muswane kilalra kai lingau ki kitubili ku akiparalubane. 3 Tamatama, alaiyasi la pacasesu kai pasalrivane nai, aneane kulri dulru mubere ku akipathavungane? 4 Ai, pacepesu naiane, lakamani ngwalai kikai nai musakene nai mukuludru muswane. 5 Maraacangaku mukalava ku saparalubane ki Tamatama; masalrwaku satalu ku vagaini. 6 Paswabelengaku drele ki Tamatama, ka mararacange ki wadrangalrungalru lukamaungu ku akaliarane. Unu, mararacange ki wadrangalrungalru lukamaungu ku akaliarane! 7 Iseraylri, kasalrwa satalu ki Tamatama, asi lwiyane ku Tamatama yakai ku kai lri kaela ka sakialibake; yakai ku swaeteeane ku sapalribulane. 8 Ku Tamatama lri palribulu ki kawkawluini ka swa Iseraylri si kidaili ki pasalrivane lini patuelre. |