Lasenai 13 - Ngudradreadrekadhane Ka Sisiu 魯凱語聖經Akiparalubane ka inulri Tusenai ki Davidi. La baai ki tarasangililuku ki sikatai. 1 Tamatama, lri karimurusu nakwane pakela lwigane? Lrika palralrawthu? Lri lrilrikudrusu nakwane pakela lwigane? 2 Kai akwalriane ku kidremedreme taikaiyane nakwane lukavaiyane lukamaungu, lri tarathainwanaku kiadili kwalrialri? Ku tapapiane ki badhali dredrepete ngikarakacane, lri tarathainwana? 3 Tamatama ka Twaumaseli, kiatubiaku muswane sirapalaili, tubalreaili; kiatubiaku muswane pasiulriwlriana kai pukuli, la nau kai pacai. 4 Madha palrailraingi ki badhali ku aiyane kai: Pamalebenga nai liniane! Madha pangwalalai ku tatubakebakaneli si pakiragai liniane. 5 Ai, satalwaku ku kai lri kaela ka sakialibakesu; lri ngwaladhaku ku tapalribulanesu si kiraragai. 6 Tamatama, lri papiaku muswane senai, asi lwiyane patarwamarasu ku migemi pangulwadhane nakwane. |