Lasenai 128 - Ngudradreadrekadhane Ka Sisiu 魯凱語聖經Ku pasalaladha ki Tamatama lri kipakalreva Papwadradradha ka senai. 1 Ku mwasakene mukuludru ki Tamatama ku umawmase yakailriinga ku akaesadhane! Ku paluludu ku drekaseini ku umawmase yakailriinga ku akaesadhane! 2 Makakeelretesu kane ku kwalrialrialrisu; lri tara kiragaisu, sanaka maneemane la kasulivaliivate! 3 Ku taelrelresu ikai ki daanesu mia ki mwalaabece ka madru ki cebe ka budu; ku lalalakesu lu ngithalringulu ki cukwi mia ki lacebe ki ulrive. 4 Ku mwasakene mukuludru ki Tamatama ku umawmase lri tara ka ngimiyaiya kikai kisubulrubulru! 5 Ku Tamatama ani twalai kavai Ziyungu patarumara ku akaesadhane baai muswane! Ku tapanianianiakanesu asu kisupisupilri ku ngiradhekanane Yerusalrime; 6 asu dreleana ki lagaganesu! Ku swa Iseraylri ani kisupisupilri ku sulivatane! |