Lasenai 127 - Ngudradreadrekadhane Ka Sisiu 魯凱語聖經

Drengedrengere ku tharirane ki Twaumase

Tusenai ki Sulumungu ka papwadradradha ka senai.

¹ Ana kaika Tamatama ka twadaane, ku kaungu ki taratudadane naika kadrwaku paluludane; ana kaika Tamatama ka palakelakebe ki baiyu ki cekele, ku tadrangalrwane ki tarakadrekadrenge lri avuthaane.

² Ku sarapacunu luka mialrealre la kai saraapece lukamaungu, la ngwalai ki tacekecekelane kwalrialrialri makavale yai, kadrwa ku paluludane, asi lwiyane ku Tamatama ikai kudra ki kadalameini ka umawmase lu icengecenge apece wabaainga pasikai liniane.

³ Ku lalalake yai pakalreva ka patarumara ki Tamatama; ku lagagane yai patarumaraini baai mitane ka akaesadhane.

⁴ Kai umawmase lu icengecengeana ku tulalake lini ku sawvalai, mia ki lraili ka yakai ki alrima ki garagarange.

⁵ Ku paswaete ki talrailane ku lraili ku umawmase yakailringa ku akaesadhane! Kwi lasu ikai ki lrawlrawdru ki cekele si madradrikidrikisi ku vaga ki labadha kai lri amaki.