Lasenai 125 - Ngudradreadrekadhane Ka Sisiu 魯凱語聖經Sulivatane ki kawkawlu ki Twaumase Papwadradradha ka senai. 1 Ku masalru satalu ki Tamatama ku umawmase mia ki lregelrege Ziyungu, palralrawthu acegecege, kapapedrenge kai maka avelevelane. 2 Mararaamau ki lalregelrege ngithalringulu Yerusalrime, ku Tamatama twathadaalrane palakebe ki kawkawluini, twalai kaiasasane pakela palralrawlrawthu. 3 Ku kawkawlu ki Twaumase kai lri palralrawthu kiruthuku ki tangangangace ka umawmase; lu kai ngimia kwini, kwi lalasu lri mialri ngukakai ki ngialisiane ka kadalranane. 4 Tamatama, kiatubiaku muswane tutharira marasikai ki mathariri ka umawmase, la patarumara subulrubulru baai ki madringelrese ku kidremedreme ka umawmase. 5 Ala kudra la ngwakakaikai ki ngialisiane ka kadalranane ku umawmase, ku Tamatama lri pataelre liniane ki manganganga ka umawmase amudu. Ku swa Iseraylri ani palralrawthu kisupisupilri ku sulivatane! |