Lasenai 124 - Ngudradreadrekadhane Ka Sisiu 魯凱語聖經Tarapalribulribulu ka Twaumase Tusenai ki Davidi ka papwadradradha ka senai. 1 Iseraylri, ala kawriva; ana kaika Tamatama ku paralubu mitane, la naika ngitwatumane? 2 Ana kaika Tamatama ku paralubu mitane, ala, ku badhata lu kikaruburu mitane, 3 si papia mitane kalisi, naika papanianianiakeenga kane lrungulrungu mitane; 4 ku telebe naika waaludrunga mitane, ku bikabiki la naika watheneenga mitane, 5 ku carungucungane ka acilai laka nai aludrunga mitane. 6 Takiaseasene ki Tamatama, asi lwiyane kai pakamudu mitane ki badha. 7 Miata ki adhadhame ka malrabuthu ki lravathe ki taraalwalupu; malutu ku lravathe, ala maka ngilralraingingata! 8 Ku akiparalubaneta twalai ki Tamatama kainganai; amani ka wabekace subelebelenge si kawmasane ka Tamatama. |