Lasenai 122 - Ngudradreadrekadhane Ka Sisiu 魯凱語聖經Wadrengedrengere Yerusalrime Tusenai ki Davidi ka papwadradradha ka senai. 1 Yakai ku umawmase ku amia kai nakwane: Ila tamwa ki daane ki Tamatama. Sakamani kwidra, kiararaagadhaku turamuru! 2 Kaiasasane wakelanga nai mwa kikai, si acegecegenga ikai tali daane ki lrawlrawdru ki cekele Yerusalrime. 3 Kai Yerusalrime yai vaeva ka nitupelane tucekele ka cekele, maramaraamau kadeemele, la mamwamua kathariri. 4 Ku lazuku, ka lazuku ki swa Iseraylri wakela kai makanaelre, singiakai ku drekase ki Tamatama, si papia iniane patarumara kiaseasene. 5 Ikai kikai yakai ku taetalane ki dringelresane; ku lamwabaibalrithi ki Davidi yakai kikai saibange ki mapapangale. 6 Pasikaiya Yerusalrime kitubi ku rathudane: Ku madalame muswane ku umawmase ani ngiradhekane makanaelre. 7 Ikai ki cekelesu ani ikai ku rathudane; ku daanesu ka talialalai ani kasulivalivate. 8 Pakaiyaku ki labetakaneli si latalragilragili, papiaku Yerusalrime iya kai: Asu kasulivaliivate! 9 Ngwaladhaku ki daane ki Tamatama ka Twaumaseta, lri pasikaiyaku muswane kitubi ku akaesadhanesu. |