Lasenai 120 - Ngudradreadrekadhane Ka Sisiu 魯凱語聖經Kiatubi ku akiparalubane ka inulri Papwadradradha ka senai. 1 Yakaiyaku ki akwalriane kitubi ki Tamatama, la tubalre si palraingi nakwane. 2 Tamatama, kiatubiaku muswane palribulaili, palribulaili pakidaili ki ngiakathaithaithariri ka matavuvulrucu ka umawmase. 3 Ngiakathaithaithariri ka umawmase, ku Twaumase lri pangitumane muswane? Lri tungitwatumane pathavungu muswane? 4 Lri arakai ku maraangisi ka lraili ki garagarange, lri arakai ku madrareange ka lrangele pathavungu muswane. 5 Yababadhanaku ikai ki swa Meseke, matiakurwaku turamuru! Wasulasuladhaku ikai ki swa Kidare ka umawmase, mwalisiaku turamuru! 6 Maulainga naku taelre ki malrase ki rathudane ka laumawmase. 7 Madalamaku ki rathudane; lu kawrivaku ku rathudane, lri kikaruburu kwi lalasu. |