Lasenai 12 - Ngudradreadrekadhane Ka Sisiu 魯凱語聖經Kiatubi ku akiparalubane ka inulri Tusenai ki Davidi. La baai ki tarasangililuku ki sikatai. Ku lingau ngwasaka valru. 1 Tamatama, kiatubi nai muswane paraluba naiane, asi lwiyane kadrwanga ku madringelrese ka umawmase; ku tengatengane ku takidremedremane ku umawmase kaidu maka kiadringainga. 2 Matatavuvuvulrucunga makanaelre, arakai ku walawlavane ku vaga matavuvuvulrucu. 3 Tamatama alra ngetele kwi walawlavane ka lridame, si metemete kwi bibiane ki busabusu! 4 Kwi lalasu amia kai: Lri kawriva nai iya ku nauiya iya nai; aneane ku lri dulru kadrenge ku aiyane nai ku vaga? 5 Ai, ku Tamatama amia kai: Lri kelangaku, asi lwiyane ku matiakukuru ka umawmase kiadredredrepete, ku kiatulisi ku umawmase kwalrialri dadange; ku murikaikai lini lri patarumaraku baai liniane! 6 Ku pukawnunga ki Tamatama tengatengane ka asudralrwane, mia ki gingi ka yakai ki apwi dadarepane ka sangwa pitulunga kithalethale. 7-8 Ku manganga ka umawmase yakai kidruanga kanganganga; ku laumawmase la senasenai drengedrengedrengere ki ngialisiane. Tamatama, kiatubi nai muswane palakeba naiane, la nai kidaili kai ki zidai ki laumawmase. |