Lasenai 113 - Ngudradreadrekadhane Ka Sisiu 魯凱語聖經

Wadrengedrengere ku takamathaithariranenga ki Tamatama

¹ Haliluya! Lasasiakawlu ki Tamatama, drengedrengera; kunumi yai drengedrengera ki naganeini.

² Ku nagane ki Tamatama naikidrengedrengere, twalai kikai pakela lumamilringi.

³ Twalai ki talrawane ki vai pakela ki talriwgane ki vai, ku nagane ki Tamatama naikidrengedrengere!

⁴ Ku Tamatama warathudu ki sanaka kuni; ku lriguini walribate subelebelenge.

⁵ Aneane kulri dulru kiramau ki Tamatama ka Twaumaseta? Yakaikai ki sabebeelengenga.

⁶ Ai, paswalebe dredredrele, dredredrele subelebelenge si kawmasane.

⁷ Ku Twaumase patwalai ki thuvugu pabelenge ki matiakukuru si kwalrialri ka umawmase; patwalai ki lriduku bilibili palribulu ki matiakukuru ka umawmase,

⁸ kwi lalasu la dulrunga sitalragi ki lalake ki talialalai, si dulrunga taelre nene ki lalake ki talialalai.

⁹ Ku Twaumase pakiamusakene ki mapulathe ka ababai ikai tavanane, la patarumara ku lalalake iniane, pakiraragai ki alisu. Haliluya!