Lasenai 112 - Ngudradreadrekadhane Ka Sisiu 魯凱語聖經Sakiararagai ki madringelrese ka umawmase 1 Haliluya! Ku mwasakene mukuludru ki Tamatama ka umawmase yakai ku akaesadhane turamuru! Ku madalame paluludu ku padradrekase ki Tamatama ku umawmase yakai ku akaesadhane turamuru! 2 Ku mwabaibalrithi ki madringelrese ka umawmase lri tara kisubulrubulru; ku lagaganeini ikai kai kawmasane lai lri tara ngiradhekane. 3 Ku lawacekecekeleini lai lri ngiesadhane ngiradhekane, kwi piaini ku madringelrese ka awngane lrika palralrawthane. 4 Yakai ku ledra ku pasiakai ki madringelrese ka umawmase paledra ikai kadradridrimitane, paledra ki kialibake, makalithi, madringelrese ka umawmase. 5 Ku matwabake kadrwa ku kekeane ka umawmase yakai ku akaesadhane; kwi lasu patengatengane lu siwbai. 6 Ku madringelrese ka umawmase kai wasipaipai palralrawthu; kai lri kikarimuru palralrawthu. 7 Kwi lasu kai lri ngwalai ki takilalraneini ku malisi ka vaga si mukuludru kathathiburu; ku salrwaneini mapapedrenge, savaeva ku kidremedreme satalu ki Tamatama. 8 Kwi lasu kai mathekelre kai ngiatuluku; kwi lasu masalru kalri drele lu turamuru ku labadha. 9 Kwi lasu matwabake pakubulu ki matiakukuru ka umawmase, ku sakialibakeini lri kapalralrawthu ikai; kwi lasu lri kagarange, kiwsakene ki umawmase. 10 Ku mangangace ka umawmase lri drele lu kagaragarange ku madringelrese ka umawmase lai kwalri ku kidremedreme; kwi lalasu lri apararitaiti ki lisiane si pacai; ku sidramadrama lini lri kawlrau. |