Lasenai 110 - Ngudradreadrekadhane Ka Sisiu 魯凱語聖經

Tamatama si pilrini cegecege ka talialalai

Tusenai ki Davidi.

¹ Ku Tamatama kawriva ki tamatamali iya kai: Nenea ikai vanaleli, pakela ku tapamakianeli ki badhasu si kusange ikai lebe ki drapalesu.

² Ku Tamatama lri patwalai ka Ziyungu paru swadrau ku puku ki takatalialaladhanesu. Ku Tamatama amia kai: Lri rathudusu marasikai ki labadhasu.

³ Lu makakaruburusu ki labadha, ku kawkawlusu lri ngikakamani kela akwapingi; ku layacengecengesu mia ki lamu lukamialrealre, lri mwa ki saniange ka lregelrege kela silape muswane.

⁴ Ku Tamatama kiaketekete, kai lri akabalrithi ku takidremedremane lutumane: Lri singikaisu ki ngwakai ki Milikizidike, kapalralrawthu abarakalai.

⁵ Ku Tamatama yakai ki vanalesu; lu kalisi yai lri lrumai ki latalialalai.

⁶ Lai lri saibange ki lakuni, ku tamakakaruburane lai lri kaabate ku kinawmasane ki lawapacai; ku Twaumase lri pamaki ki talialalai ki lakuni kai kawmasane.

⁷ Ku talialalaili lri ungulu ku yathili ki kadalranane ku acilai ki vaalru, si kisueteane ku puku, paamaki ki badha.