Lasenai 11 - Ngudradreadrekadhane Ka Sisiu 魯凱語聖經

Satalu ki Tamatama

Tusenai ki Davidi. La baai ki tarasangililuku ki sikatai.

¹ Twatamwamwanaku kipalakebe ki Tamatama. Anu ngikulrungunga si iya kai nakwane: Ngimia ki adhadhame ngipalai mulregelrege,

² asi lwiyane ku manganga ka umawmase wabilakacenga ka bu si lraili, lri ikai kadradridrimitane lraili ki mwalecege ka umawmase.

³ Lu kaburukunga ku karwalai, ku madringelrese ka umawmase lri dulrwana tumane?

⁴ Ku Tamatama yakai ki daaneini; ku taetalane ki Tamatama piakai subelebelenge. Wadredredrele kawmasane ki umawmase, wathingale ku tangivelevelevelane lini.

⁵ Ku Tamatama kialrialringau ki madringelrese si mangangace ka umawmase; malrase ki ngiakarakacane ka umawmase.

⁶ Papia ki manganganga ka umawmase pulebe ku lrangele si balaru ka apwi; arakai ku madrareeange ka kelrabe pathavungu liniane.

⁷ Ku Tamatama aparamaramau, madalame ku mwalecege ku kakwakudhane; ku mwalecege ka umawmase lri maka drele ku lringauini.