Kavagavagane 16 - Ngudradreadrekadhane Ka Sisiu 魯凱語聖經

¹ Ku akikakane yakai ki umawmase; ku angimiane yakai ki Tamatama.

² Kai umawmase miakau pacengecenge patuelre ku piapiaini lu kidremedreme; ku Tamatama wadrele ku takidremedremaneini.

³ Kudra kauawngusu baadha sudralru ki Tamatama, ku kikaikakesu lri siku.

⁴ Ku bekace ki Tamatama patueelre yakaai ku paluludane; adravane ka mangangace ka umawmase nipasikaiyane ki amatikurwane ka vai kibekace.

⁵ Ku Tamatama mavalracevace ki ngiakalrilrigu ka umawmase; kwi lasu kai lri maka pamubere ki akipathavungane ki lalasu lutuumane.

⁶ Ku patengatengane ku kidremedreme lri tara kipacepe ku pasalrivane; ku mwasakene mukuludru ki Tamatama kai lri kimwa ku amatikurwane.

⁷ Ku tangivelevelane ku kakwakudhane lu kikiragai ki Tamatama, adravane ka badhaini ku Tamatama lri paatalragi iniane.

⁸ Maesaesai mubekelane ku malra madu, la mulecege ku kakwakudhane, malilisi lu mukalrane ku akaesadhane, la kai mulecege ku kakwakudhane.

⁹ Kai umawmase kiadremedremedreme ku lrika kadadalrananeini; ai amani ku Tamatama ka waililuku ku tapudrapalaneini.

¹⁰ Ku takawrivarivane ki talialalai mailuku ku vaga ki Twaumase; ku taturingaringavaneini kai lri pamama.

¹¹ Ku pacengecenge ka tintingi Tamatamane; ku aparamaramavane ku tintingi amanini ku wakelrete.

¹² Ku talialalai kai lri maka tarumara ki ngialisiane, asi lwiyane kai sarathudane ka puku satalu ki dringelresane acegecege.

¹³ Ku talialalai madalame kilalra ku madringelrese ka vaga; kwi lasu madalame ku kawariva ku patengatengane ka vaga ku umawmase.

¹⁴ Ku girimucane ki talialalai wadulru papacai ki umawmase, ai ku ngiathingale ka umawmase pakabasau ki girimucane ki talialalai.

¹⁵ Ku kalithane ki talialalai mia ki ememe mailuku ku udale ki kalarigarigane; ku taparangithaneini lri papanianiake ki umawmase;

¹⁶ Ku wamalra ku thingalane silrialribate ki wamalra ku kingi; ku wapilri ki lrigilane sapupukwane ki wapilri ki gingi.

¹⁷ Ku kadalranane ki mwalecege ka umawmase kiadaili ki ngialisiane; si dradrele ngukakai ki pacengecenge ka kadalranane, ku niake la kipalakebe.

¹⁸ Kai ngikalrilrigwane papia ki akamudane; ku ngiakalrilrigu lri tara aru suludru.

¹⁹ Ku ngiatatwalebe si taelre ki matiakukuru, walribate kudra ki mavalavala ku niravasane ku lamanemane ki ngiakalrilrigu ka umawmase.

²⁰ Ku kiararakete ku sabulrwane, kadrwa ku apalikaiyane ku amuesadhane; ku satalu ki Tamatama, lri kisupisupilri ku akaesadhane palralrawthu.

²¹ Ku ngiathingale ka umawmase lri thingale patuelre; ku akwasulrapele lu kawriva, sapupukwane ku akikilalrane.

²² Ku ngiathingale ka umawmase lri ikai ku berai ki niake; lu pathavungane ki makulrungu ka umawmase, kadrwa ku paluludane.

²³ Ku ngiathingale ka umawmase kiadremedremeana ala avavaga; ku vagaini laka makikilalalra.

²⁴ Ku mathariri ka vaga mia ki valu, pakiaragai ki kidremedreme, la ngiesadhane ku kinawmasane.

²⁵ Yakai ku vaeva ka kadalranane lu drelane mia ki madringelrese, ala ka papia ki akamudane ka kadalranane.

²⁶ Ngwalai ku apangulwadhanane ki bicuka, kai tarakawaungu lri tara kaungu; asi lwiyane ngwalai ku akabucukane, kwi lasu kai lri maka kasalrai.

²⁷ Ku lagurucuki kiadremedreme ku akabebetethane ki umawmase, ku la taavavagane lini mia ki wakelrakelrabe ka apwi.

²⁸ Ku waranau kawriva ku matiaukuludru la mukuludru ku umawmase, wabeabekace ku rivwane; ku kawrivariva ku angilisianane ki palrapalra, mabebetethe ki tamatatalragiane.

²⁹ Ku ngiakarakacane ka umawmase watavuvulrucu ki pasiagiagisi; kwi lasu waililuku ki umawmase ngukakai ki ngialisiane ka kadalranane.

³⁰ Ku apapiyaiya ku maca ka umawmase kai mathariri ku takidremedremane; ku apakakamedre ku ngudwi ka umawmase kiadredredreme ku apiane ku ngialisiane.

³¹ Ku udrase lrigu ka pagamucu; sakibilriane ki mwalecege ka umawmase.

³² Ku sakiadiadili silrialribate ki puku; ku ngiararuthuku ku lisiane lri dulru malra ki cekele.

³³ Kai umawmase adravane tulrisilrisi kivaga, ku lri turingaringau yakai ki Tamatama.