Izera 2 - Ngudradreadrekadhane Ka Sisiu 魯凱語聖經

Nagane ki lasiaulri

¹ Takaalra ku acaicali ku umawmase ku matwasenga ka tali Babilunia, siaulri mwa ka Yerusalrime si Yuda, la katwase mwa ki cekele lini. Kikai laumawmase si lawacekecekele lini twalai ku taravasane si emenge liniane ki talialalai ka Nibukadenezere, yakaainga kavai Babilunia acaicaicali.

² Ku latarasangililuku liniane amani ku Zerubabele, Yesua, Nihimi, Seraia, Relaia, Muredikai, Bilesane, Misepare, Bigevai, Rihume, si Baana. Kai lebenga yai tatathane ki lazuku ki swa Iseraylri ka twalai ki taacaicaliane kainganai siwlri:

^3-20 Zuku ki Paruse 2,172 Zuku ki Sepatia 372 Zuku ki Ara 775 Zuku ki Pahathe Muabe (mwabaibalrithi ki Yesua si Yuabe) 2,812 Zuku ki Ilame 1,254 Zuku ki Zatu 945 Zuku ki Zakai 760 Zuku ki Bani 642 Zuku ki Bebai 623 Zuku ki Azegade 1,222 Zuku ki Adunikame 666 Zuku ki Bigevai 2,056 Zuku ki Adingi 454 Zuku ki Atere (la si Hezekia) 98 Zuku ki Bezai 323 Zuku ki Yura 112 Zuku ki Hasume 223 Zuku ki Gibare 95

^21-35 Ku siaulri mwa ki tatwaladhane ki cucungulane ku umawmase lu elrelreane: Swa Bithele 123 Swa Nitupa 56 Swa Anatute 128 Swa Azemavete 42 La swa Kiriathe Yerime, swa Kepira, si swa Biruthe 743 Swa Rama si swa Geba 621 Swa Mikemase 122 Swa Bithelrihime si swa Ai 223 Swa Nibu 52 Swa Magebise 156 Ku drumane ka mwabaibalrithi ki swa Ilame 1,254 Swa Harime 320 La swa Lude, swa Hadide, swa Unu 725 Swa Yeriku 345 Swa Sina 3,630

^36-39 Ku siaulri ku umawmase ki lazuku ki barakalai: Zuku ki Yedaia (mwabaibalrithi ki Yesua) 973 Zuku ki Imere 1,052 Zuku ki Pasehure 1,247 Zuku ki Harime 1,017

⁴⁰ Ku siaulri ku zuku ki Lrivi ku umawmase: Zuku ki Yesua si Kademile (mwabaibalrithi ki Hudavia) 74

⁴¹ Tarasenasenai ikai ki daane ki Twaumase (mwabaibalrithi ki Asape) 128

⁴² Tarakadrenge ki daane ki Twaumase (mwabaibalrithi ki Salume, Atere, Talemune, Akube, Hatita, si Subai) 139

^43-54 Ku siaulri ku zuku ki tarakaungu ki daane ki Twaumase: Ziha, Hasupa, Tabauthe, Keruse, Siaha, Padunge, Lebana, Hagaba, Akube, Hagabe, Salemai, Hanange, Gidele, Gahare, Reaia, Rezinge, Nekuda, Gazame, Uza, Pasia, Besai, Asena, Meunime, Nepisime, Bakebuke, Hakupa, Harure, Bazeluthe, Mehida, Haresa, Barekuse, Sisera, Tema, Nezia, si Hatipa.

^55-57 Ku siaulri ku zuku ki sasiakawlu ki Sulumungu: Sutai, Hasuperethe, Peruda, Yala, Darekunge, Gidele, Sepatia, Hatile, Pukerethe Hazebaime, si Ami.

⁵⁸ Ku mwabaibalrithi ki tarakawaungu ki daane ki Twaumase si mwabaibalrithi ki sasiakawlu ki Sulumungu, ku twalai ki taacaicaliane la kainganai siwlri ku umawmase makanaelre ta 392.

^59-60 Ku talikaikai ki Dilaia, Tubia, si Nekuda ka zuku ta 642. Kwini lalasu twalai Tele Mela, Tele Haresa, Kerube, Adange, si Imere kainganai; ai kwi lalasu kai maka ngiasasiwmi ka mwabaibalrithi ki swa Iseraylri.

^61-62 Kwidra kai maka kiadringai ku tatwaladhane si siwmi ki cucungulane lini ki zuku ki barakalai: Habaia, Hakuze, si Barezilai. (Ku cucungulane ki zuku ki barakalai ka Barezilai wamalra sitaelrelre ki tangea ka ababai ka zuku ki Barezilai ka swa Gileade, la arakai kwidra nagane ki zuku ki tama ki taelrelreini.) Kwi lalasu ngwalai ku kaika tamaka siwmiane ka aneane ku cucungulane lini, la kitumakudrulru, lakamani kai lri maka abarakalai.

⁶³ Ku siwciu ki swa Yuda peaelaela liniane, madha kanekane ku nipatarumarane ki Twaumase ku akaneane, pakeela ku lu ikaai ku mwataluvaivai ku barakalai si dulru arakai ku Urime si Thumime lalrwai ku nikalrilrikane.

^64-67 Ku siaulri kainganai lu elrelreanenga ku umawmase 42,360 Ku lasasiakawlu lini ku sawvalai si ababai 7,337 Ku latarasenasenai ku sawvalai si ababai 200 Rigi 736 Ngiririgi 245 Lrakeda 435 Ruba 6,720

⁶⁸ Kikai laacaicali kai umawmase sa kelanga Yerusalrime ki daane ki Tamatama yai, yakai kwidra latamatama ki zuku ngiakakamaani patarumara ku saceacebe, paralubu ikai ki sakwaka taikaiyane tupela tudaane ku daane ki Tamatama.

⁶⁹ Kwi lalasu pakaelre ku puku patarumara pasikai kai ki awngane, lu elrelreanenga ku kingi 500 ka kukingi, ku gingi 2,800 ka kukingi, la ikaiyana ku 100 ku sangirageragelanane ka laimai wabaai ki barakalai.

⁷⁰ Ku labarakalai, laswa Lrivi, si drumane ka laumawmase swateelrainga ikai Yerusalrime si langwadadethe; ku latarasenasenai ikai ki daane ki Twaumase, latarakadrenge, si tarakawaungu swateelrainga ikai ki ngwadadethe Yerusalrime ka lacekele; ku drumane ku swa Iseraylri makitwa siwlringa mwa ki ceekele lini.