Isetire 10 - Ngudradreadrekadhane Ka Sisiu 魯凱語聖經

Takipuawnganane ki talialalai ka Ahasueruse si Muredikai

¹ Ku talialalai ka Ahasueruse wavutha dawlu kwini ki ngwababiabila ki laveke si swa tali daedae ka mapapangale pakaungu liniane.

² Kudra la kipuawnganeini, si tamalraneini pabelenge ki Muredikai, nipacasane ikai ki lrikisi ki Perisia si talialalai ka Media ki pacase ki swa kunkwane.

³ Ku swa Yuda ka Muredikai ku taabelenganeini mwasaka drusadrusa ki talialalai ka Ahasueruse, kiamusakene kikadalame kimurikai turamuru ki mapapangale ki swa Yuda, asi lwiyane kwini lasu pasiakai ki sakacekeleini kidrikisi ku kingidri lini, la mialri pasikai ki lagagane lini ku lrika akasulivalivatane angiesaesadhane lini.