Ipisu 6 - Ngudradreadrekadhane Ka Sisiu 魯凱語聖經

Tamacacapilane ki marudrawdrange si lalalake

¹ Kudra lalalake, kilalra pasalaladha ki marudrawdrange numi; kikai yai apiane ki kiasususu ki Kirisite.

^2-3 “Musakena ki marudrawdrange, asu kasulivate ki maneemanenga, si kalragi ku niake ikai kai kawmasane!” Kikai yai aswalaalanga ka mailuku ku pinalraingane ka padradrekase.

⁴ Ku marudrawdrange, madha pangiracuracuku ki kidremedreme ki lalalake numi, arakaiya ku sabulrwane ki Tamatama lapu bulru pakadrau tuumawmase liniane.

Tamacacapilane ki tawki si sasiakawlu

⁵ Ku sasiakawlu, kunumi ukuludra si savaeva ku kidremedreme pasalaladha ki tawki numi kai kawmasane, mia ki mawaungu pasikai ki Kirisitu;

⁶ kaika amani lu dredredreele ku palrapalra ku apiane kai, nau kidrengedrengere ki umawmase iya, asasiakawla ki Kirisitu, si patwalai ki kidremedreme paluludu ku takidremedremane ki Twaumase.

⁷ Kunumi pasingikidremedrema si kiragai pakaelre ku apiane ki sasiakawlu, mia ki mawaungu ki Tamatama, ka kaika mauawngu pasikai ki umawmase.

⁸ Thingala, adravane ka sasiakawlu ka tawki, ku Tamatama lri singikai ku tharirane ku kakwakudhane ki tangeea si pangibilri iniane.

⁹ Kudra atawki ku laumawmase, kunumi mialria tuthariri ki sasiakawlu, madha kukukuludru liniane. Thingala, kunumi si sasiakawlu numi mararaamau numi ka tangeangea ku Tamatama numi ikai subelebelenge, lri arakai ku mararaamau ku lekete marasikai sanaka umawmase.

Baai ki Twaumase ka rukudru ki kwapingi

¹⁰ Bibiilrilinga, kunumi satalwa ku puku ki Tamatama si kakeecenge ka umawmase.

¹¹ Kunumi la sirukudra ku baai ki Twaumase ku rukudru ki kwapingi, lanu dulru kapapedrenge acegecege, si telenge ku salrigilane ki aidridringane.

¹² Asi lwiyane kaita ka lri kiecebe ki yakai ku erai ku beate ka umawmase, amani kwidra ngwababelenge ka aidridringane, amani kikai ki madradrimiti ka zidai, ka magagemegeme ku puku, kai puku ki yakai kai ki kiacaebe belenge ka ngialisiane ku akikaruburaneta.

¹³ Lakamani, kunumi ngirarukudra arakai ku baai ki Twaumase ku sakikaruburane ki kwapingi, la dulru ikai kai ki matiaukuludru ka vai si kiecebe ki badha, patulrepenge kikaruburu, si drangalru kwini taikaiyane numi.

¹⁴ Lakamani, kunumi makapadulruanga. Arakaiya ku patengane ka sabulrwane silakete, la situpi arakai ku dringelresane,

¹⁵ la madha susu ku apelaelane ku hukuingi ki rathudane arakaiya sikece.

¹⁶ Kataecengana ku salrwane si sialathare, lanu maka dulru telenge patuelre ku salrailane ka apwi ki ngialisiane.

¹⁷ Kunumi sitalrupuna arakai ku sapalribulane ki Twaumase, la arakaiya ku vaga ki Twaumase ka dramu ka baai ki Siri.

¹⁸ Kunumi ikaiya ki inulri kitubi ku akiparalubane numi ki Twaumase, la tupapapalra ku taarakane ki Siri si inulri, ka takipapawlringavaana, madha lrukalruka, la madha reteretege ku apasikaiyane ki lasinzia inulri.

¹⁹ La pasikaiyaili inulri, kitubi ki Twaumase ani patarumara nakwane ku swadalepe ku vaga, ikai kudra ki aiyaneli, nau dulru kagarange kawriva si pelaela ku kaika athingalane ka matiasamaimali ka hukuingi.

²⁰ Adravane ka kikekerengaku kikai, amaniaku ku ngwalai kai ki hukuingi si kipawkalrivili kisikawlu. La kitubia ki Twaumase ani baai nakwane ku garangane si iya ku aiyane ku vaga.

Satubarengerane si sasubulrubulrwane

²¹ Kai Tikiku lri kamani ku peaelaela numiane ku ngwakai nakwane patuelre, lanu thingale kai tangimiamianeli. Kai lasu amani ku kadalameli, pakaelre ku kidremedremeini pasikai ki Tamatama ka retesaneta.

²² Ku tangadrane ku sikawluli iniane pamwa kwini numiane yai, anu thingale kai taikaiyane nai kikai ku tangimiamiane, lanu kipasapukwane.

²³ Ku Tama ka Twaumase si Tamatama ka Yesu Kirisitu ani patarumara ku sulivatane, ku kalithane, si ku salrwane numiane ka laretesane.

²⁴ Ku Twaumase ani patarumara ku migemi ki kai maelaela ku kilibakane ki Tamatama ka Yesu Kirisitu ku umawmase!