Husia 3 - Ngudradreadrekadhane Ka Sisiu 魯凱語聖經

Husia si kai mwalecege ka ababai

¹ Ku Tamatama amia kai nakwane, “Lu mwa tupela kadalame kudra wacilri ki taelrelreini si mwa kadalame ki drumane ka apairairange. Kadalama iniane, mia ku takadalamaneli ki swa Iseraylri. Unu kwi lalasu wabaebalre si cilri nakwane, la katwase sukubu ki drumane ka twaumase, la kadalame kudra ki nipatarumaranenga ka pange ka budu, ai madaalameana naku liniane.”

² La arakaiyaku ku mangeale si lrima ka gingi si 150 kukingi ku madradrau ka mugi tusalangadhane balrithi kai ki ababai.

³ Madha apairairangenga, supedreenganga, la ikaikai nakwane la iyaku; ai ikai kai ki tangimiane kai, kainaku lri tadrusa iniane apece.

⁴ Thadalrane, lri kalragi ku zikange, kai swa Iseraylri lri kakadrwa ku latalialalai si latarasangililuku, kadrwa ku latwalrisi patarumara, kadrwa ku lasadrengedrenge ka lrenege, kadrwa ku lasamiamiange si lanitu twaumasane si arakaikai tulrisi kithingale.

⁵ Lu ngilribatenga kai ki zikange, ku swa Iseraylri lri tupela siwlriwlri ku kidremedreme, si kisilape ki Tamatama ka Twaumase lini, lai lri siwlri mwa ki wacekecekele ki Davidi ka talialalai. Lu ngimia kai, lukabibilrili, kwi lalasu lri musakene mukuludru ki Tamatama, si tarumara ku makaalra ka pakalrevaini.