1 Lacaili 6 - Ngudradreadrekadhane Ka Sisiu 魯凱語聖經

Tamasakaikaiyane ki cucungulane ki abebeelengenga ki barakalai

¹ Tatulru ku sawvalai ka lalake ki Lrivi: Geresune, Kuhathe si Mirari.

² Tasupate ku sawvalai ka lalake ki Kuhathe: Amerame, Izehare, Hiburungu si Uzile.

³ Tadrusa ku sawvalai ka lalake ki Amerame: Arungu si Musi, tangea ku ababai sia Miriame. Tasupate ku sawvalai ka lalake ki Arungu: Nadabe, Abihu, Ilriazare si Ithamare.

⁴ Ku lamwabaibalrithi ki Ilriazare lu ngukai ki tama: Pinehase, Abisua,

⁵ Buki, Uzi,

⁶ Zirahia, Meraiuthe,

⁷ Amaria, Ahitube,

⁸ Zaduke, Ahimaze,

⁹ Azaria, Yuhanane,

¹⁰ Azaria (amani kudra kiapuawngane ikai ki daane ki Twaumase ikai Yerusalrime ki talialalai ka Sulumungu),

¹¹ Amaria, Ahitube,

¹² Zaduke, Salume,

¹³ Hilekia, Azaria,

¹⁴ Seraia, Yehuzadake.

¹⁵ Sa arakai ki talialalai ka Nibukadenezere ku Tamatama ravase ki mapapangale ki swa Yuda si swa Yerusalrime, ku Yehuzadake mialri kiravase.

Drumane ka lamwabaibalrithi ki Lrivi

¹⁶ Tatulru ku sawvalai ka lalake ki Lrivi: Geresune, Kuhathe si Mirari.

¹⁷ Yakaai ku sawvalai ka lalake lini. Ku lalake ki Geresune: Lribini si Simi.

¹⁸ Ku lalake ki Kuhathe: Amerame, Izehare, Hiburungu, Uzile,

¹⁹ Ku lalake ki Mirari: Maheli si Muse.

²⁰ Lamwabaibalrithi ki Geresune lu ngukai ki tama: Lribini, Yahathe, Zimema,

²¹ Yua, Idu, Zera si Yetherai.

²² Lamwabaibalrithi ki Kuhathe lu ngukai ki tama: Aminadabe, Kura, Asire,

²³ Ilekana, Ibiasape, Asire,

²⁴ Tahathe, Uriele, Uzia, Saule.

²⁵ Tadrusa ku sawvalai ka lalake ki Ilekana: Amasai si Ahimuthe.

²⁶ Ku lamwabaibalrithi ki Ahimuthe lu ngukai ki tama: Ilekana, Zupai, Nahathe,

²⁷ Ilriabe, Yeruhame, Ilekana.

²⁸ Tadrusa ku sawvalai ka lalake ki Samuile: Ku takataka Yuile, ku agiagi Abiya.

²⁹ Ku lamwabaibalrithi ki Mirari lu ngukai ki tama: Maheli, Lribini, Simi, Uza.

³⁰ Simia, Hagia, Asaia.

Tarasenai ikai ki daane ki Tamatama

³¹ Sa malra pwa kavai Yerusalrime ku Langiane, ku talialalai ka Davidi siakawlu ku lrika taramarasikai ki senai ikai ki daane ki Tamatama.

³² Sa kaiyana tu Alrivilrivi ka balrawbau ki Tamatama ku talialalai ka Sulumungu, kwini lalasu yakai ki Alrivilrivi ka balrawbau mawbalribalrithi kipuawngane.

³³ Ku tamasakaikaiyane ki cucungulane kwini ki taramarasikai ki senai ikai ki daane ki Tamatama: Zuku ki Kuhathe ka Hemange; kai Hemange amani ku tarasangililuku ki aswalala, ka sawvalai ka lalake ki Yuile. Ku tamasakaikaiyane ki cucungulane lu dungudungane siwlriwlri: Hemange, Yuile, Samuile,

³⁴ Ilekana, Yeruhame, Ilrile, Tua,

³⁵ Zupe, Ilekana, Mahathe, Amasai,

³⁶ Ilekana, Yuile, Azaria, Zipania,

³⁷ Tahathe, Asire, Ibiasape, Kura,

³⁸ Izehare, Kuhathe, Lrivi, Yakubu.

³⁹ Ku Asape tarasangililuku ki mwasakadrusa. Ku tamasakaikaiyane ki cucungulane lu dungudungane siwlriwlri: Asape, Berekia, Simia,

⁴⁰ Mikaele, Baasia, Malekia,

⁴¹ Itheni, Zera, Adaia,

⁴² Itane, Zimema, Simi,

⁴³ Yahathe, Geresune, Lrivi.

⁴⁴ Ku Itane ka zuku ki Mirari tarasangililuku ki mwasakatulru, ku tamasakaikaiyane ki cucungulane lu dungudungane siwlriwlri: Itane, Kisi, Abedi, Maluke,

⁴⁵ Hasabia, Amazia, Hilekia,

⁴⁶ Amezi, Bani, Semere,

⁴⁷ Maheli, Muse, Mirari, Lrivi.

⁴⁸ Ku laretesane lini ka zuku ka Lrivi kiasikawlu ikai ki Alrivilrivi ka balrawbau ki daane ki Tamatama ku drumane ku la awngane.

Lamwabaibalrithi ki Arungu

⁴⁹ Ku Arungu si lamwabaibalrithi iniane ka tarapadaladalai ku sangwalreme, si ikai ki tapatarumaramarane patarumara ku Lama ka lrisi. Ku awngane ki lalasu amani ku taramarasikaikai ikai ki Alrivilriviilrivinga ka taikaikaiyane ku la asukubane, si patarumara ku sapatarumarane ka waudriwdripi. Kwini lalasu singiakai ku tapelaelane ki sasiakawlu ki Twaumase ka Musi pangimia kikai, pasikai ki swa Iseraylri mupasalrivane.

⁵⁰ Ku lamwabaibalrithi ki Arungu lu ngukai ki tama: Ilriazare, Pinehase, Abisua,

⁵¹ Buki, Uzi, Zirahia,

⁵² Meraiuthe, Amaria, Ahitube,

⁵³ Zaduke, Ahimaze.

Taikaikaiyane ki swa Lrivi

⁵⁴ Kikai amani ku kitudrulru ki lamwabaibalrithi ki Arungu ka wa Kuhathe ka kadaengane. Ikai ki swa Lrivi ku kidrulru lini ku kadaengane, ku zuku ki Kuhathe kiadrulru ku aswalalanga.

⁵⁵ Kikai paelre kwini yakai Yuda ka Hiburungu si ngwadadethe ka tapagwagwane ka ububulane,

⁵⁶ ai kudra swakai Hiburungu ku angangade si cacekele twadrulrunga ki lalake ki Yepuni ka Kalebe.

^57-59 Ku kidrulru ki lamwabaibalrithi ki Arungu ku cekele: Hiburungu (Tamwane kipalakebe ka cekele), Yatire, Libena, si ngwadadethe ka lacekele, Isetimwa, Hileme, Dibere, Asane, Bithe Simise, si ngwadadethe ka lacekele ka ububulane ka tapagwagwane.

⁶⁰ Ikai ki tali Biniyamingi, kwini lalasu kiatudrulru kavai Geba, Alemete si Anatute, si ngwadadethe ka tapagwagwane ka ububulane. Kwini lalasu yakaikai ki tai 13 ka lacekele.

⁶¹ Ku drumane ku wacekecekele ki maretetese ki wa Kuhathe kwazibiki si kitudrulru ka taimangealane ka lacekele kavai tali swa sapakalriwgu ka Manase.

⁶² Ku lawacekecekele ki maretetese ki wa Geresunane kiabaai ku tai 13 ku lacekele, yakai Isakare, Asere, Napetali si tali Basane ka swa talrawane ka Manase.

⁶³ Ku lawacekecekele ki maretetese ki wa Mirariane thadalrane tinukuzibiki kidrulru ku tai 12 ku cekele, yakai ki swa Riwbingi, swa Gade, si talikai ki swa Zibulungu.

⁶⁴ Ku swa Iseraylri paiya kai malra apavalavala ku cekele si ngwadadethe ka tapagwagwane ka ububulane baai ki swa Lrivi.

⁶⁵ Kwini mialri ka nimatikaiyane ka yakai ki swa Yuda, swa Simiune si swa Biniyamingi ka lacekele mialri tinu kuzibiki si pavalavala.

⁶⁶ Yakai ku lawacekecekele ki maretetese ki wa Kuhathe kiatudrulru ku tali Iparaime ka cekele,

⁶⁷ amani ka tali Iparaime ka Sekeme (Tamwane kipalakebe ka cekele), Gizere,

⁶⁸ Yukemiame, Bithe Hurunu,

⁶⁹ Aiyalungu si Gathe Rimungu, si ngwadadethe ka tapagwagwane ka ububulane.

⁷⁰ Ikai ki swa sapakalriwgu ka Manase, kwini lalasu kiabaai ka Anere si Bilime ka drusa ka cekele si ngwadadethe ka tapagwagwane ka ububulane.

⁷¹ Ku lawacekecekele ki maretetese ki wa Geresunane ku kibaai lini ku cekele si ngwadadethe ku tapagwagwane ka ububulane: Yakai tali kai ki swa talrawane ka Manase: Gulane ka Basane si Asetaruthe.

⁷² Ikai tali Isakare: Kedese, Dabirathe,

⁷³ Ramuthe si Aneme.

⁷⁴ Ikai tali Asere: Masale, Abedungu,

⁷⁵ Hukuke si Rihube.

⁷⁶ Ikai tali Napetali: Kedese ka Galrilri, Hamungu si Kiriathaime.

⁷⁷ Ku kibaai ki lawacekecekele ki maretetese ki wa Mirariane ku cekele si ngwadadethe ku tapagwagwane ka ububulane: Ikai tali Zibulungu: Rimungu si Tabure.

⁷⁸ Ikai tali Riwbingi: Talikai talrawane kadravane Yuredange ka cucubungu Yeriku ka tali lregelrege ka Bizere, si Yazare.

⁷⁹ Kidimuthe si Mipathe.

⁸⁰ Ikai tali Gade: Ramuthe ka Gileade, Mahanaime,

⁸¹ Hesebunge si Yazere.