1 Lacaili 4 - Ngudradreadrekadhane Ka Sisiu 魯凱語聖經

Lamwabaibalrithi ki Yuda

¹ Ku lamwabaibalrithi ki Yuda amani ku, Pereze, Hezerunge, Karemi, Hure si Subale.

² Ku Subale twalalake ki Reaia; ku Reaia twalalake ki Yahathe, ku Yahathe twalalake ki Ahumai si Lahade. Kikai lalasu amani ku cucungulane ki Zura.

^3-4 Ku Hure takatakanga ka sawvalai ka lalake ki Kalebe si Iparatha; ku lamwabaibalrithi iniane ka Itame, Penuile, Izere twacekele ka Bithelrihime. Tatulru ku sawvalai ka lalake ki Itame: Yezerile, Isema si Idebase, si tangea ka ababai ka sia Hazelepuni. Ku Penuile twacekele Gedure, ku Izere twacekele Husa.

⁵ Ku twacekele Tikua ka Asure tadrusa ku labaibaini: Hila si Nara.

⁶ Ku Nara ngwasupate ku sawvalai ka lalake: Ahuzame, Hepere, Timeni si Hahasitari.

⁷ Ku Hila ngwatulru tulalake ku sawvalai: Zerethe, Zuhare si Ithenane.

⁸ Ku Kuze yai tama ki Anube si Zubiba, ka cucungulane ki zuku ki Aharehele ka sawvalai ka lalake ki Harume.

⁹ Yakai ku tangea ku sia Yabize, amani ku kimusaesakenenga ki wacekecekeleini. Ku tinaini swanagane iniane pasi Yabize, asi lwiyane sa tulalake iniane kiapakwalri turamuru.

¹⁰ Ku Yabize kiatubi ki Twaumase ki swa Iseraylri iya kai, “Twaumase, subulrubulrwaili, badhaili pakakaalra ku kadaengane. Tapalraili, palakebe nakwane kidaili ki sanaka amatikurwane.” Ku Twaumase la singikai ku kitubini baai iniane.

Lanagane ki drumane ka wacekecekele

¹¹ Ku betakane ki Suha ka Kelube yakai ku tangea ku sawvalai ka lalakeini sia Mihire. Ku Mihire twalalake ki Isetungu;

¹² tatulru ku sawvalai ka lalake ki Isetungu: Bitherapa, Pasia si Tehina. Ku Tihina twacekele Nahase. Ku lamwabaibalrithi kai ki laumawmase yakai Rika makanaelre.

¹³ Tadrusa ku sawvalai ka lalake ki Kenaze: Uthenile si Seraia. Tadrusa ku sawvalai ka lalake ki Uthenile: Hatathe si Miunuthai.

¹⁴ Ku Miunuthai twalalake ki Upera. Ku Seraia twalalake ki Yuabe, ku Yuabe amani ku twacekele Tadaredarepane ka valrwalru, ku yakai Tadaredarepane ka valrwalru yadrepele ka taradarepenga.

¹⁵ Ku sawvalai ka lalake ki Yepuni ka Kalebe tatulru ku sawvalai ka lalake: Iru, Ila si Name. Ku Ila twalalake ki Kenaze.

¹⁶ Tasupate ku sawvalai ka lalake ki Yehalile: Zipe, Zipa, Tiria si Asarele.

^17-18 Tasupate ku sawvalai ka lalake ki Izera: Yethere, Mirede, Ipare si Yalungu. Ku Mirede marudrange mwa ki lalake ki talialalai ki swa Izipiti ka Bithia, tangea ku ababai ku lalake lini ka sia Miriame, tadrusa ku sawvalai: Samai si Isiba. Ku Isiba twacekele Isetimwa. Ku Merede marudrange mwa ki taingeane ka zuku ki Yuda ka ababai, tatulru ku sawvalai ku lalake lini: Yarede ka twacekele Gedure, Hebere ka twacekele Suku, si Yekuthile ka twacekele Zanua.

¹⁹ Ku Hudia marudrange mwa ki agi ki Nahame, ku lamwabaibalrithi liniane amani ku yakaikai cekele Kila ka zuku ki Garemi si cucungulane ki yakaikai cekele Isetimwa ka zuku ki Maka.

²⁰ Tasupate ku sawvalai ku lalake ki Simune: Amenungu, Rina, Bine Hanange si Tilungu. Tadrusa ku sawvalai ku lalake ki Isi: Zuhethe si Bine Zuhethe.

Lamwabaibalrithi ki Sela

²¹ Ikai ki sawvalalai ka lalalake ki Yuda, yakai ku sia Sela. Ku lamwabaibalrithi ki Sela amani kilakikai: Ire ka twacekele Lika, Lada ka twacekele Maresa, maretetese ki taratinitinunu ku lalasare ka kaimadhane ka yakai cekele Bithe Asibia,

²² si Yukime, laumawmase ki cekele Kuziba, Yuase si Sarape ka marudrange ki swa Muabe ikaikai Bithelrihime. (Kilakikai yai yadrepele ka sidrumane ka tapacasane.)

²³ Amani kai lalasu ku taratudilrungu ikai ki talialalai, yakaikai Nitaime si Gedera.

Lamwabaibalrithi ki Simiune

²⁴ Talrima ku sawvalai ku lalake ki Simiune: Nemule, Yamingi, Yaribe, Zera si Saule.

²⁵ Ku sawvalai ka lalake ki Saule: Salume, ku aganeini Mibesame, ku kacuini Misema.

²⁶ Ku sawvalai ka lalake ki Misema, amani kai Hamuile, ku aganeini laka Zakure, ku kacuini Simi.

²⁷ Ta 16 ku sawvalai ku lalalake ki Simi, taeneme ku labaibai, ai ku lalake ki betakaneini tabebekele, lakamani kwini tai Simiune ku zuku kaika mia ki tai Yuda kapangale ku umawmase.

²⁸ Ku lamwabaibalrithi ki Simiune pakela ki Davidi yakaikai ki lacekele: Bereseba, Mulada, Hazaresuale,

²⁹ Bila, Izeme, Tulade,

³⁰ Bethuele, Hurema, Zikelage,

³¹ Bithe Marekabuthe, Hazaresusime, Bithebiri si Saraime.

³² Kwini lalasu mialri ikaikai Itame, Aingi, Rimungu, Tukenge si Asane, tailrimane ka cekele,

³³ si ngwadadethe ka lacacekele, pakela kavai tali sapakalriwgu ki tali lrawdru ka cekele Baale. Kikai ala amani ku lawacekecekele lini si lataikaikaiyane lini ku tapacasane.

^34-38 Ku nagane ki tamatama ki lamaretetese lini amani kilakikai: Misubabe, Yamelake, sawvalai ka lalake ki Amazia ka Yusa, Yuile, Yehu ka sawvalai ka lalake ki Yesibia (kai Yesibia sawvalai ka lalake ki Seraia, agane ki Asiele), Ilihuinai, Yakuba, Yesuhaia, Asaia, Adiele, Yesimile, Binaia, Ziza ka sawvalai ka lalake ki Sipi, (kai Sipi sawvalai ka lalake ki Alungu, ka lamwabaibalrithi ki Yedaia, Simeri, Simaia). Arwa drimadrima ku wacekecekele lini,

³⁹ kai lalasu la papiapia tali sapakalriwgu taswakelakelanga kavai Gerare, ikai tali talrawane vaalru ka Gerare pagwagu ki lakiu lini.

⁴⁰ Kwini lalasu kiadringai ku swadradrau ku malrange ka ububulane ikai kwini, kwini swadradradrau ka ububulane la kababitingi turamuru. Kunadruma nataikaiyane ki zuku ki Hame.

⁴¹ Saka zidai ki talialalai ki swa Yuda ka Hezekia, kikai nipacasane kwini latamatama ki lazuku wamwa Gerare, pakalalisi kwini balrawbau si talawbu ka daane, malra liniane pakatwase, la sutelrainga ikai kwini, asi lwiyane amani saka taubulane mathariri pagwagu ki lakiu.

⁴² Ku zuku ki Simiune yakai ku ta 500 ku yakaikai Idume. Ku tarasangililuku liniane amani kudra tasupate ka sawvalalai ka lalalake ki Isi: Pilatia, Niria, Ripaia si Uzile.

⁴³ Kwini lalasu papacai ki asuru ikaikai kwini ka swa Idume ka swa Amaleke, twalainga kwini yakaikainga kavai.