1 Lacaili 3 - Ngudradreadrekadhane Ka Sisiu 魯凱語聖經

Lalalake ki Davidi ka talialalai

^1-3 Sa ikai Hiburungu ku Davidi ku lalakeini ku sawvalai, singiatakataka, ku nagane amani kilakikai: Amenungu: Ku tinaini Ahinuame ka swa Yezerile, Daniele: Ku tinaini Abigaile ka swa Karemile, Abesalume: Ku tinaini Maka, lalake ki talialalai ki Gisure ka Talamai, Aduniya: Ku tinaini Hagithe, Sepatia: Ku tinaini Abitale, Itherime: Ku tinaini Igela,

⁴ Kikai taeneme ka sawvalai ka lalalake ki Davidi ka tulalake lini sa ikai Hiburungu atalialalai tarapitu si apararamau ka caili. Ku Davidi tara 33 ka caili atalailalai ikai Yerusalrime;

⁵ takakalra ku lalalakeini ku kiatulalake ikai Yerusalrime. Ku labaibaini ka Batheseba lalake ki Amiele, ngwa supate tulalake ku sawvalai: Sia Simia, Subabe, Nathange si Sulumungu.

⁶ Ku drumane ku tabangate ku lalalakeini ka sawvalai, sia Ibehare, Ilrisua, Ilripelete,

⁷ Nuga, Nipege, Yapia,

⁸ Ilrisama, Ilriada, si Ilripelete.

⁹ La kai kakathane kilakikai sawvalai ka lalalake, yakaiyana ku drumane ku sawvalai ku lalake ki Davidi ka tulalake ki drumane ka lalabaibaini. La ikaaiyana ku tangea ku ababai ku lalakeini, sia Tamare.

Lamwabaibalrithi ki talialalai ka Sulumungu

¹⁰ Ku mwabaibalrithi ki Sulumungu, ku ngwakai ki tama ku tamacucungulane: Sulumungu, Rihubuame, Abiya, Asa, Yehusapate,

¹¹ Yehurame, Ahazia, Yuase,

¹² Amazia, Uzia, Yuthame,

¹³ Ahaze, Hezekia, Manase,

¹⁴ Amune si Yusia,

¹⁵ tasupate ku sawvalalai ka lalake ki Yusia, sia Yuhanane, Yehuiakime, Zidikia si Salume,

¹⁶ tadrusa ku sawvalalai ku lalake ki Yehuiacingi, sia Yehuiakime si Zidikia.

Lamwabaibalrithi ki talialalai ka Yehuiakime

¹⁷ Ki lakikainga amani ku lamwabaibalrithi ki kiaravase pwa ka Babilunia ka talialalai ka Yehuiacingi. Ku Yehuiacingi tapitu ku lalakeini ka sawvalai, sia Saletile,

¹⁸ Malekirame, Pidaia, Senazare, Yekamia, Husama si Nidabia.

¹⁹ Tadrusa ku sawvalai ka lalake ki Pidaia, sia Zerubabele si Simi. Tadrusa ku sawvalai ku lalake ki Zerubabele, sia Misulame si Hanania, si ikai ku tangea ku ababai ku lalakeini ka Silumithe.

²⁰ Yakaiyana ku drumane ku talrima ku sawvalalai ka lalakeini, sia Hasuba, Uhele, Berekia Hasadia si Yusabe Hesede.

²¹ Tadrusa ku lalake ku sawvalai ki Hanania, sia Pilatia si Yesaia. Ku Yesaia twalalake ki Ripaia; ku Ripaia twalalake ki Aranange; ku Aranange twalalake ki Ubadaiya; ku Ubadaiya twalalake ki Sekania.

²² Yakai ku sawvalai ku lalake ki Sekania ka Simaia, talrima ku lagaganeini, sia Hatuse, Igale, Baria, Niria si Sapate.

²³ Tatulru ku sawvalalai ku lalake ki Niria, sia Ilihuinai, Hezekia si Azerikame.

²⁴ Ta pitu ku sawvalalai ku lalake ki Ilihuinai, sia Hudavia, Ilriasibe, Pilaia, Akube, Yuhanane, Dilaia si Anani.