1 Lacaili 25 - Ngudradreadrekadhane Ka Sisiu 魯凱語聖經

Tarasenasenai ikai ki daane ki Tamatama

¹ Ku talialalai ka Davidi si latarasangililuku ki swa Lrivi pavavala sikawlu ki taitulru ka zuku ka Asape, Hemange si Yedutune kamani ku marasiakai ki asukubane. Kwini lalasu lri senai ku sabulrwane ki Twaumase, arakai ku patungutungu, pituane ka patungutungu si carecare pasenai. Kikai lebe amani ku lanagane ki kiapilri ka taramarasikai ki asukubane, si paelrenga kudra tamakaelaelane ku kipuawngane lini ki kakemiane:

² Tasupate ku sawvalalai ka lalalake ki Asape: Zakure, Yusepe, Nithania si Asarela, Asape ku tarabulrubulru. Ku Asape singiakai ku drekase ki talialalai senai ku sabulrwane ki Twaumase.

³ Taeneme ku sawvalalai ka lalalake ki Yedutune: Gidalria, Zeri, Yesaia, Simi, Hasabia si Matatia, amani ku tama lini ku tarabulrubulru senasenai ku sabulrwane ki Twaumase, yakai ku pasenai patungutungu, papia ki Tamatama senai ku sadrengedrengerane si sakiaseasenane.

⁴ Ta 14 ku sawvalalai ka lalalake ki Hemange: Bukia, Matania, Uzile, Sebuile, Yeremuthe, Hanania, Hanani Ilriatha, Gidaleti, Rumameti Izire, Yusebekasa, Maluthi, Huthire si Mahaziuthe.

⁵ Ku Twaumase singiakai ku tapuvaganeini patarumara ki yuginsia ka Hemange kikai ta 14 ku sawvalalai ka lalalake, la mialri tatulru ku labaibai ku lalalake, la pasapukwane ki Hemange.

⁶ Ku sawvalalai ka lalalake ki Hemange ikai ki tabulrubulrwaneini patungutungu, pituane ka patungutungu si carecare, pamamwamwa ki tasukubane ki daane ki Tamatama. Ku Asape, Yedutune si Hemange makitwa kilalra ku tadrekasane ki talialalai.

⁷ Kikai ta 24 ka umawmase yadrepele ka talrilrigili, la mialri ku lasakacekele lini ka swa Lrivi mialrini ka yadrepele ka la kiapakundringi ka tarasenasenai, paelreelrenga ta 288.

⁸ Kikai laumawmase adravane ka yacengecenge, tarudrawdrange, talrilrigilinga, si tawkibulrubulru, maramaraamau tinukuzibiki kelrete ku lrika akicapilane ku awngane.

^9-31 Kikai ta 288 singikai ki ladadaanane tutai 24 ku kumiane, si pata 12 ku kumiane, la tangea ku kiacapili kadrenge. Kikai lebe singiakai ki takipuawngane lini pasakaikai: 1. Yusepe ka swakai ki zuku ki tai Asape; 2. Gidalria; 3. Zakure; 4. Zeri; 5. Nithania; 6. Bukia; 7. Asarela; 8. Yesaia; 9. Matania; 10. Simi; 11. Azarele; 12. Hasabia; 13. Sebuile; 14. Matatia; 15. Yeremuthe; 16. Hanania; 17. Yusebekasa; 18. Hanani; 19. Maluthi; 20. Ilriatha; 21. Huthire; 22. Gidaleti; 23. Mahaziuthe; 24. Rumameti Izire.