1 Lacaili 2 - Ngudradreadrekadhane Ka Sisiu 魯凱語聖經

Lamwabaibalrithi ki Yuda

¹ Ta 12 ku sawvalai ka lalalake ki Yakubu, Riwbingi, Simiune, Lrivi, Yuda, Isakare, Zibulungu,

² Dange, Yusepe, Biniyamingi, Napetali, Gade si Asere.

³ Talrima ku sawvalai ka lalake ki Yuda, ngwa tulru tulalake ku labaibaini ka Basua twalai Kanange, Ire, Unange si Sela. Ku takataakanga ka Ire manganga turamuru ku tangivelevelaneini, la papacai ku Tamatama iniane.

⁴ Ku labaibai ki lalakeini ki Yuda ka Tamare ngwa drusa tulalake, Pereze si Zera.

⁵ Tadrusa ku sawvalai ka lalake ki Pereze, Hezerunge si Hamure.

⁶ Ku agini ka Zera talrima ku sawvalai ku lalakeini, Zimeri, Itane, Hemange, Kalekule si Dara.

⁷ Ku taingea ku lamwabaibalrithi ki Zera ku sawvalai ka lalake ki Karemi ka Akare, ngwalai ku taseketane kudra nipatarumarane ki Twaumase ku niravasane ku lawbubulu, la dawlu ku akipamatikurwane ki swa Iseraylri.

⁸ Tangea ku sawvalai ka lalake ki Itane, sia Azaria.

Tamacucungulane ki talialalai ka Davidi

⁹ Tatulru ku sawvalai ka lalake ki Hezerunge, Yerahemele, Rame si Kalebe.

¹⁰ Ku tamacucungulane tamaretetesane twalai ki Rame pakela ki Yesi: Rame, Aminadabe, Nahasunge (mwakalrivili ika ki swa Yuda ka zuku),

¹¹ Salemune, Buaze,

¹² Ubide si Yesi.

¹³ Tapitu ku sawvalai ka lalake ki Yesi, singiatakataka: Ilriabe, Abinadabe, Simia,

¹⁴ Nathaniele, Radai,

¹⁵ Uzeme si Davidi.

¹⁶ Tadrusa ku labaibai ku lalake ki Yesi, Ziruia si Abigaile. Ku ababai ka lalake ki Yesi ka Zeria tatulru ku sawvalai ka lalakeini, Abisai, Yuabe si Asahele.

¹⁷ Ku tangea ka ababai ka lalake ki Yesi Abigaile wamwa ki Yethere ka twalai Isemaele, twalalake ku tangea ku sawvalai ka lalake, sia Amasa.

Lamwabaibalrithi ki Hezerunge

¹⁸ Ku sawvalai ka lalake ki Hezerunge ka Kalebe marudrange ki Azuba, twalalake ku tangea ku ababai, sia Yeriuthe. Kwini alisu tatulru ku sawvalai ka lalake, Yesere, Subabe si Aredunge.

¹⁹ Sa pacainga ku Azuba, ku Kalebe la mwanga ki Iparatha, la tulalake ku tangea ku sawvalai ka lalake sia Hure.

²⁰ Ku sawvalai ka lalake ki Hure yai Uri, ku aganeini Bizale.

²¹ Sa taramanemelenga ka caili ku Hezerunge wamwa ki lalake ki tama ki swa Gilide ka Makire karudrange. Kwini lalasu yakai ku tangea ku sawvalai ka lalake lini, sia Segube;

²² ku Segube yakai ku tangea ku sawvalai ka lalake ka sia Yaire. Kai Yaire nawarathudu ku tai 23 ku cekele talikai Gileade.

²³ Ai sakabilrilinga ku Gisure si Arame warathudunga ki swakai kavai ku taimanemele ku lacekele, paelre ki lacekele ki Yaire si Kenathe, si ngwadadethe ka lacekele. Ku yakaikai kwini ku laumawmase makanaelre yadrepele ka lamwabaibalrithi ki tama ki swa Gileade ka Makire.

²⁴ Sa pacainga ku Hezerunge, ku lalakeini ka sawvalai ka sia Kalebe la malra sitaelrelre ki mwasakadrusa ka walibakane ka taelrelre ki tamaini; kwini tadrusa la tulalake ku tangea ku sawvalai sia Asure. Ku Asure twacekele ka cekele Tikua.

Lamwabaibalrithi ki Yerahemele

²⁵ Takatakanga ka lalake ki Hezerunge ka Yerahemele talrima ku sawvalai ka lalalake, Rame (takatakanga ka lalake), Buna, Urenge, Uzeme si Ahiya.

^26-27 Tatulru ku sawvalai ka lalalake ki Rame, sia Maze, Yamingi si Ikere. Ku tangea ku taelrelre ki Yerahemele sia Atara, la tulalake nguvaeva ku sawvalai ka sia Uname.

²⁸ Tadrusa ku sawvalai ka lalake ki Uname, sia Samai si Yada. La mialri tadrusa ku sawvalai ka lalake ki Samai, sia Nadabe si Abisure.

²⁹ Ku Abisure marudrange ki Abihaile, la ngudrusa tulalake ku sawvalai, sia Ahebange si Mulide.

³⁰ Ku taka ki Abisure ka Nadabe tadrusa ku sawvalai ka lalake, sia Silide si Apaime. Wapacai ku Silide kadrwa ku sawvalai ka lalake.

³¹ Ku Apaime twalalake ki Isi; ku Isi twalalake ki Sesange; ku Sesange twalalake ki Ahelai.

³² Ku sawvalai ka agi ki Samai ka sia Yada tadrusa ku sawvalai ka lalake, sia Yithere si Yunathange. Ku Yethere wapacai laka kadrwa ku sawvalai ka lalake.

³³ Ku Yunathange tadrusa ku sawvalai ka lalake, sia Pilithe si Zaza. Kikai amani ku lamwabaibalrithi ki Yerahemele.

³⁴ Kadrwa ku lalake ki Sesange ku sawvalai, kathane ku ababai. La ikai ku tangea ku sasiakawluini ka swa Izipiti ka sia Yareha.

³⁵ Kwi Sesange la pakarudrange ki tangea ka ababai ka lalake pamwa iniane, kwini tadrusa la tulalake ku tangea ku sawvalai ka sia Atai.

³⁶ Twalai ki Atai pakela ki Ilisama ku tamacucungulane: Atai, Nathange, Zabade,

³⁷ Ipelale, Ubide,

³⁸ Yehu, Azaria,

³⁹ Hilize, Iliasa,

⁴⁰ Sisemai si Salume.

⁴¹ Yekamia si Ilrisama.

Drumane ka lamwabaibalrithi ki Kalebe

⁴² Ku takatakanga ka lalake ki Kalebe (taka ki Yerahemele) sia Misa. Ku Misa twalalake ki Zipe; ku Zipe twalalake ki Maresa; ku Maresa twalalake ki Hiburungu.

⁴³ Tasupate ku lalake ki Hiburungu ka lasawvalalai, sia Kura, Tapua, Rekeme si Sema.

⁴⁴ Ku Sema yai tama ki Rahame, tumu ki Yurekiame, ku taka ki Sema ka Rekeme twalalake ki Samai;

⁴⁵ ku Samai twalalake ki Maune; ku Maune tama ki Bithezure.

⁴⁶ Ku Kalebe yakai ku tangea ku labaibaiini ka sia Ipa, ngwa tulru tulalake ku sawvalai, sia Harange, Muza si Gazeze. Ku Harange tangea ku sawvalai ku lalakeini sia Gazeze.

⁴⁷ (Yakai ku tangea ku sia Yahedai; taeneme ku sawvalai ku lalalakeini, sia Rigime, Yuthame, Gisane, Pilite. Ipa si Sape.)

⁴⁸ Ku tangeanga ku labaibai ki Kalebe ka sia Maka ngwa drusa tulalake ku sawvalai, sia Sebere si Tirehana.

⁴⁹ Kwini alisu la tulaalakenga ngudrusa ku sawvalai, sia Sape si Siva. Ku Sape twacekele kavai Mademana; ku Siva twacekele kavai Makebena si Gibia. Yakaiyana ku tangea ku lalake ki Kalebe ka ababai ka sia Akesa.

⁵⁰ Ku drumane ku lamwabaibalrithi ki Kalebe, amani kikai nipacasane: Ku Hurebe takatakanga ka lalake lini ki labaibaini ka Iparatha. Ku takatakanga ka lalake ki Hure ka Subale twacekele kavai Kiriathe Yerime;

⁵¹ ku mwasakadrusa ka lalake ka Salema, twacekele Bithelrihime; ku mwasakatulru ka lalake ka Haripe twacekele kavai Bithegadere.

⁵² Ku twacekele ka Kiriathe Yerime ka Subale, twalalake ki Harui; ku Harui amani ku cucungulane ki pararamau ki swakai tali Minuhuthe ka laumawmase,

⁵³ mialri ka cucungulane ki yakaikai Kiriathe Yerime ka lamaretetese: Itheri, Puthi, Sumathi si Miserai. (Ku cekele Zura si Isetawle ku laumawmase yadrepele ka swakai kaika zuku.)

⁵⁴ Ku Salema ka twacekele Bithelrihime amani ku cucungulane ki laumawmase ki Nitupa si Aturute Bithe Yuabe, mialri ka cucungulane ki zuku ki Zura ka yakai Manahathe.

⁵⁵ Ku zuku ki Tirathi, Simiathi si Sukathi amani ku tarapacapacase ki lapacase ka lawacekecekele, la ikaikai ki cekele Yabize. Ku tamathaetharevanenga ki swa Keni si swa Rikabe amaninga ku mwabaibalrithi kai lalasu.