Zvi. 25 - Bhaibheri Rakachena muChindau

Vanhu vaIsuraeri paPeori

¹ Naapo vaIsuraeri vakagara Shitimu, vanhu vakatanga kuita mhombo nevasikana veMoabhi.

² Ava vakadzi vakadaidza vanhu kumidiro yezvimwari zvavo; nevanhu vakaidya, vakakotamira zvimwari zvavo.

³ NavaIsuraeri vakadzisungira kunaBhaari wePeori; noushungu hwaMambo Mwari hwakabaka kunavaIsuraeri.

⁴ NaMambo Mwari wakati kunaMosi, “Tora vakuru veshe vevanhu, uvauraye pakujeka kwezuva pamberi paMambo Mwari kuitira kuti ushungu hunotyisa hwaMambo Mwari hubve pakati pevaIsuraeri.”

⁵ NaMosi wakati kunevatongi veIsuraeri, “Umwe ngaumwe wenyu unozouraya munhu weshe wake uwo wakadzisungira kunaBhaari wePeori.”

⁶ Naapo umwe wevaIsuraeri wakauya anomukadzi wevaMidhiani pakati pehama dzake mukuona kwaMosi, nomukuona kwembungano yeshe yaIsuraeri yaichema pamusiwo wetende romushongano.

⁷ Naapo Finehasi, mukororo waEreaza, mukororo waAroni mupristi, wakazviona, wakamiruka kubva pakati pembungano. Wakatora mukhondo munyara yake,

⁸ wakateera mwamuna muIsuraeri mutende, wakavabaya veshe vairi, mwamuna muIsuraeri nomukadzi kupotya ngomundani. Ndizvo nhenda yakapera pakati pevana vaIsuraeri.

⁹ Ndizvo vakafa ngeiyi nhenda vaiya makumi mairi namarongomuna emakumi emazana (24,000.)

¹⁰ Mambo Mwari wakaereketa kunaMosi echiti,

¹¹ “Finehasi mukororo waEreaza, mukororo waAroni mupristi, wakatenderudza ushungu hwangu kubva kuvana vaIsuraeri, apo waiya nendurumwa pakati pavo, ngepamusoro pangu, kuti andizi kupedza vana vaIsuraeri mundurumwa yangu.

¹² Ndizvo ronza izvi, ‘Wona, ndinopa kwaari chitenderano changu chokunyarara.

¹³ Chinozoita chake nemibarirwana yake inoteera sure kwake, eya, chitenderano choupristi husina mugumo, ngokuti iye wakatsamwirira ngendaa yaMwari wake, wakaitira muripo vaIsuraeri.’ ”

¹⁴ Zina romuIsuraeri wakaurawa pamwepo nomukadzi muMidhiani, raiya Zimuri, mukororo waSaru, mukuru wemhatso huru pakati pevaSimeoni.

¹⁵ Zina romukadzi wevaMidhiani wakaurawa raiya Kozibhi, mukunda waZuri; uwo waiya mukuru wedzinza nowemhatso yemadzibaba muMidhiani.

¹⁶ Mambo Mwari wakaereketa kunaMosi echiti,

¹⁷ “Tambudza vaMidhiani, uvanyise.

¹⁸ Ngokuti vakamutambudza ngourimbwi hwavo, hwevakamuchengedzera ndihwo ngendaa yaPeori, nendaa yaKozibhi, mwanasikana womunhu mukuru weMidhiani, mukunda wavo, uwo wakaurawa ngezuva renhenda ngendaa yaPeori.”